Proxección audiovisual

Finais de 1944. Xapón está a ser derrotado na II Guerra Mundial. Ás ordes do misterioso Maior Taniguchi, o mozo tenente Hiroo Onoda é enviado a unha illa filipina pouco antes de que aconteza o desembarco estadounidense. Levando canda si un fato de soldados, Onoda comeza unha misión delirante nas profundidades da xungla, unha guerra secreta e ilusoria. O obxectivo principal: non morrer. Para o Imperio nipón, a guerra está a piques de rematar. Para Onoda, rematará 10.000 noites despois.

De volta de Nova York, Daniela non está segura do que vai facer. Polas noites non pode durmir. Visita á súa amiga Mia, que está rematando un máster en Berlín. Xunto con Natascha, que está pensando en mudarse a Viena, pasean e falan. Rodada en 16 mm, Outside Noise é un filme sobre a amizade que segue os seus encontros en Berlín e Viena durante varios meses.

Contada en tres movementos, é unha colección de historias protagonizadas por personaxes femininos que trazan as traxectorias entre as súas eleccións e arrepentimentos. Un triángulo amoroso inesperado, unha trampa de sedución errada e un encontro que resulta dun malentendido.
 

Édouard Louis e Eddy Bellegueule son a mesma persoa e non o son. Para acabar con Eddy é a historia dunha transformación, a do neno peculiar que ten que sobrevivir na contorna de violencia, machismo, pobreza, e homofobia no que ten a mala sorte de nacer.

Amantis indaga en como as redes sociais, o selfie, o sexting e as crises que están atravesando a vida da mocidade inflúen na creación da identidade propia.

Conta a historia de M., un adolescente de barrio obreiro que quere ser influencer. Nese camiño topará coas trampas dun universo intanxible no que non todo é o que parece e no que el mesmo terá que descubrir quen é.

SPACE JUMPS
2014 | 11:57 | 
'Space Jumps' é un conxunto de situacións nas que, a través dunhas accións, sométese á percepción do espectador a un proceso de estrañamento para dar visibilidade a un corpo, que non significa tanto pola súa fisicalidade como pola  súa presenza.

Como cada verán, en Alcarrás, unha pequena localidade rural de Cataluña, a familia Solé cultiva unha grande extensión de pexegueiros. Despois de oitenta anos cultivando a mesma terra, a familia reúnese para realizar xuntos a súa última colleita.

Drama de aventuras ambientado en Islandia, en pleno século X, que se centra nun príncipe nórdico que busca vinganza pola morte do seu pai.

As viúvas de 15 anos
Les veuves de 15 ans | Jean Rouch | 1966 | 24 min
Jean Rouch observa a vida de dúas mozas na procura do amor e a felicidade na sociedade burguesa parisiense. Aparentemente un documental sobre adolescentes, o filme é máis unha crítica da neglixencia e a superficialidade da mocidade de clase media na década de 1960.

Zog e os doutores voadores (Zog and the flying doctors), Sean Mullen, Reino Unido, 2020, 26’
A princesa Perla, o cabaleiro Gadabout e o dragón Zog forman un equipo de doutores do máis entregado. Os tres están decididos a curar todo tipo de criaturas, desde unha serea coa pel queimada polo sol a un león gripallento. Pero o peor dos enfermos será o rei, tío de Perla, quen desconfía das capacidades da súa sobriña e non acepta que escollera ser médica. Conseguirán os doutores voadores facerse valer ante o rei?