Age of Iron leva aos espectadores de viaxe por Asia nunha crítica poética do capitalismo mundial, diseccionando polo camiño os subprodutos inherentes ao sistema: a explotación das masas nos países en vías de desenvolvemento do Sur e a alienación das masas nos países acomodados do Norte.
Conta unha historia marabillosa, onírica, con raíces nos mitos das culturas atlánticas, dos pobos asomados a este Pai Océano. Pretende adoptar a estrutura simple das narracións tradicionais e recrear as sensacións fabulosas dos contos mitolóxicos. Os personaxes principais son un pintor que soña ser mariño e pescador, e unha muller que toca o violonchelo, namorados e habitantes dunha casa no medio do mar.
Toda a memoria do mundo
Toute la mémoire du monde | Alain Resnais | 1956 | 21 min
En vinteún minutos Resnais analiza a Biblioteca Nacional Francesa. Cunha cámara hiperactiva vai describindo o espazo con gran destreza.
O amor existe
L'amour existe | Maurice Pialat | 1960 | 20 min
Curtametraxe documental con toques autobiográficos no que Maurice Pialat mostra a cidade de París durante a posguerra.
Sira e Pepe, tras 10 anos vivindo en Berlín, deciden dar un novo rumbo á súa vida regresando a Galicia. Con ese obxectivo, mercarán unha casa nunha aldea que consideran abandonada, pero na que vive unha señora coa que manterán unha estraña relación.
En 1988, o catalán Ferran Llagostera dirixiu "Gran Sol", unha historia situada nun barco pesqueiro que dirixía aos grandes bancos de pesca norte e que narraba as historias dos mariñeiros embarcados nel. Tres anos máis tarde, o director chamou a varios dos protagonistas desta película (Bisquert, Lucena, Iriondo) para rodar "Terranova", unha historia moi similar pero inspirada na novela "Ola mar es mala mujer” de Raúl Guerra Garrido.
A película relata a terrible realidade das traballadoras domésticas estranxeiras en países de Oriente Medio, como o Líbano. Ao combinar unha multitude de perspectivas, ofrece unha visión íntima da vida privada das persoas empregadoras, axentes e empregadas domésticas.
Cinco historias sobre a dignidade na capital do Perú. Unha dirixente veciñal buscando a quen deixar o posto do seu complexo labor, un guía turístico especializado no patrimonio arquitectónico e a música criolla, un exdelincuente rescatado pola igrexa evanxélica, unha adolescente danzante de música afroperuana obrigada a emigrar e un muralista de Belas Artes fillo de migrantes andinos, tratan de saír adiante en Barrios Altos, a veciñanza histórica máis temido –pero tamén máis querido– de Lima.
Hands: Shannon one design
David e Sally Shaw-Smith |1981 I 26’ I Irlanda
David e Sally Shaw-Smith documentaron máis de corenta artesanías tradicionais irlandesas. Neste capítulo Jimmy Furey, un antigo pescador de anguías, constrúe un barco de vela baseado nun barco tradicional de pesca do río Shannon de 18 pés. O documental recolle o proceso de construción do barco.
Pedra pàtria (Pedra patria) é unha reflexión autobiográfica ao redor da identidade menorquina. A partir dunha colección de cartas, Macià, un cineasta que vive na cidade, escarba a historia persoal e as sublimes paisaxes de Menorca que comparte co seu irmán pequeno, Lau, que decidiu ser campesiño na illa onde naceron.
Este domingo 27 repetimos, documental mais faladorio ás 19:30H na Sala Rebullón.
Ecoloxistas en Acción presenta en Vigo o documental sobre a loita da veciñanza comuneira de Tameiga na defensa do monte comunal contra o espolio do ben común.
Ao remate participaremos nunha charla sobre a ameaza extractivista na Galiza e a necesidade da autoorganización popular para defender o ben común.
