A través de vellas películas que gardaba a veciñanza de Vilagarcía de Arousa e que doaron á asociación O Faiado da Memoria, reconstrúese a vida dun pobo que xa pouco ten que ver con aquel que se representa. O filme compón e descompón un crebacabezas de vivencias e espazos que van dos anos 20 aos 80 e que un grupo de persoas de distintas idades, reunidas arredor dun proxector nun hipotético salón dunha casa, van vendo e comentando as imaxes.
Alemaña, principios do XVI. O monxe agostiño Martín Lutero provoca un cisma dentro da Cristiandade cando, tras unha detida e reflexiva lectura da Biblia no mosteiro, reformúlase algunhas cuestións. En 1517, colga na porta da igrexa de Wittenberg as súas 95 teses, que, ademais de negar algúns dogmas, condenaban as bulas de indulxencia que a Iglesia vendía para recadar fondos para a construción da Basílica de San Pedro do Vaticano. Levado ante a Dieta Imperial de Wörms, Lutero négase a retractarse, a menos que poidan probar, baseándose na Biblia, que as súas teses son falsas.
En 1920, Gran Bretaña contaba con dous atletas excepcionais: Harold Abrahams e Eric Lidell. As razóns que os movían a correr era tan diferentes como as súas vidas: pertencían a mundos distintos, cada un tiña as súas propias crenzas e o seu propio concepto do triunfo.
Proxección da película de Carlos Pérez.
Proxección da película coa participación de Angel de la Cruz (director e guionista), Jaime Fernández Garrido (Director de "Nacer de novo" TVG) e Donato (ex-xogador de fútbol).
Documenteur
Documenteur | Agnès Varda | 1981 | 65 min
Varda reflexiona sobre o proceso de alienación e marxinación dunha muller divorciada que acaba de chegar a Los Angeles co seu fillo. Documenteur emprega distintas convencións da ficción e non ficción na súa exploración das relacións entre as persoas da cidade.
Juan traballa para os servizos secretos; co fin de ter acceso ao chalé dunha parella implicada no tráfico de armas achégase a Wendy, a asistenta filipina que vive na casa e establece con ela unha relación que irá volvéndose cada vez máis complexa. En paralelo, Juan realiza outros traballos «non oficiais» para protexer os intereses das elites máis poderosas do país, que agora puxeron os seus ollos en Ángel González, un político aparentemente anódino cuxos trapos sucios deberá buscar ou «inventar» coa axuda de Marta, a filla dun recoñecido actor.
Trátase dun documental de memoria oral sobre a muller durante a ditadura franquista a partir das súas historias persoais.
Vídeo cunha selección de imaxes do arquivo fotográfico do Museo Massó que ilustra o traballo das mulleres. Froito dunha análise patriarcal antropocéntrica determinouse que as tarefas valoradas son as que fan os homes e as que fan as mulleres son traballos secundarios e complementarios.
No sector pesqueiro tradicional mantense a separación arcaica que supón que os labores de extracción á boia atribúense aos homes e as que se desenvolven en terra ás mulleres.
Este documental desvela a verdade que se esconde tralos mitos populares sobre temas como as dietas baseadas en vexetais, os alimentos sans e nutritivos, a alimentación ética, as políticas alimentarias, a agricultura industrial e a maneira de alcanzar unha forma de vida sustentábel. Sustenance ofrece unha visión socio-política aberta para descubrir de onde proveñen realmente os nosos alimentos e como afectan á saúde das persoas, dos animais e do planeta.
