Proxección audiovisual

Kaurismäki fai da novela de Henri Murger, Escenas de la vida bohemia, un filme con todas as características do seu cinema.

Un director de cinema chama a dous amigos guionistas para escribir un filme sobre a catástrofe do Prestige con poucos medios e un prazo inminente. Os tres acaban, como o propio petroleiro, encallados ante a imposibilidade de levar a cabo a súa historia.

Unha carta de amor ao mundo do xornalismo, ambientada na redacción dun xornal estadounidense nunha cidade francesa ficticia do século XX, con tres historias interconectadas entre si.

Paquita e o seu irmán Venancio, solteiros e inmaturos, viven nunha pequena vila preto de Madrid. A súa irmá maior, Ignacia, que vive con eles, exerce o seu dereito á autoridade por maioría de idade sen ningún pudor. Unha noite, Paquita escóitaa falar sobre a posible venda de toda a riqueza familiar para marchar con todo o diñeiro a París e, alí, instalarse co seu misterioso amante. É entón cando Paquita e Venancio comezan a pensar que a súa vida corre perigo.

Cunha imaxe próxima aos videoxogos, 'Linko' propón unha historia de ciencia ficción protagonizada polo actor Críspulo Cabezas.

Unha adaptación do libro homónimo da xornalista Montse Fajardo que relata casos reais de violencia de xénero sufridos por sete mulleres galegas. Protagonizado por Mela Casal, Sheyla Fariña e Nieves Rodríguez baixo a dirección de Marián Bañobre. Unha coprodución entre Redrum Teatro, o Centro Dramático Galego, a Concellería de Igualdade do Concello de Pontevedra e a Deputación da Coruña.

En 1932, a mítica compañía teatral La Barraca, dirixida por Federico García Lorca, emprendía unha xira por vilas e cidades de toda a Península que incluía numerosas poboacións galegas. Para dar conta do seu traballo, un noticieiro republicano acompañounos na xira, recollendo imaxes de indubidable valor histórico a cargo de Gonzalo Menéndez-Pidal. A fita, de 12 minutos de duración, inclúe o propio Lorca paseando por Vigo ou a montaxe dun escenario en plena Praza da Quintana compostelá.

A compañía para a que traballa Henri despídeo despois de 15 anos ao seu servizo. Incapaz de soportar a noticia, intenta suicidarse sen éxito. Para conseguir o seu obxectivo contrata un asasino a soldo. Pouco despois, coñece unha muller e namora dela. Como sente que a súa vida volve ter sentido decide romper o contrato co asasino, pero élle imposible localizalo.

Dúas mulleres, Janis e Ana, coinciden na habitación dun hospital onde van dar a luz. As dúas están solteiras e quedaron embarazadas accidentalmente. Janis, de mediana idade, non se arrepinte e nas horas previas ao parto está pletórica; a outra, Ana, é unha adolescente e está asustada, arrepentida e traumatizada. Janis intenta animala mentres pasean coma somnámbulas polo corredor do hospital. As poucas palabras que cruzan nesas horas crearán un vínculo moi estreito entre as dúas, que o azar se encargará de desenvolver e complicar dun modo tan rotundo que cambiará as vidas de ambas.

A OMIX xunto coa Concellería de Educación do Concello do Porriño, levarán a cabo   do 18  ó 27 de OUTUBRO,  o obradoiro sobre ciberseguridade “cidadanía dixital. Seguros na rede”, polos centros de educación secundaria do Porriño.

Hoxe en día úsanse moitísimos dispositivos conectados a Internet que son vulnerables a un ataque e poden supoñer un risco para o propio benestar. Ademáis, os mozos e as mozas teñen acceso cada vez máis novos e non son conscientes das consecuencias que o seu comportamento na rede pode traer no presente e no futuro.