Italia, hoxe. Algúns cazadores anciáns lembran a historia de Luciano.
Luciano vive como un borracho errante nun pobo da rexión de Tuscia. A súa notoria e antagonista relación co príncipe local é suscitada polo dereito de paso a través dunha porta. As paixóns, o crecente rancor e os celos impulsan a Luciano a cometer un acto de tráxicas consecuencias.
BERG é a experiencia visual dunha vasta paisaxe montañosa e da insignificancia do home respecto ao mesmo. Mediante imaxes en branco e negro cunha banda sonora minimalista, esta sensorial viaxe revélanos unha memoria ancestral: a da montaña como ente mítico e universal.
Crese que Clara, de 40 anos, ten unha conexión especial con Deus. Convertida en obxecto de culto, mantén á súa familia, e a un pobo necesitado de esperanza, mentres atopa consolo na súa relación coa natureza. Tras anos sufrindo o coidado represivo da súa nai, o desexo sexual de Clara aflora ao sentirse atraída polo noivo da súa sobriña.
Algunha vez o director norteamericano Raoul Walsh dixo: «Non existen trinta e seis maneiras de mostrar a un home como se sobe a un cabalo». Unha declaración de principios que establece a forma da linguaxe clásica. Un profesor de cinema arxentino comeza unha investigación en torno á orixe desta frase.
Italia, 1900. O bebé da moza Agata naceu morto e, por tanto, foi condenado ao Limbo. Agata oe falar dun lugar nas montañas, onde os bebés poden volver á vida cun só alento, para así bautizalos e poder salvar as súas almas.
Desde os primeiros viaxeiros que navegaban guiados pola luz das estrelas, ata o descubrimento de planetas habitables por astrónomos, Rock Bottom Riser examina e interrelaciona globalmente o que acontece nun territorio insular e mariño.
Nun período de 7 anos viaxo dúas veces a Taiwan para coñecer á miña nai. Teño preguntas sobre o asasinato do meu pai, un feito que tivo lugar en circunstancias que nunca se esclareceron. Entre cervexas e cigarros, cóntame a pouca información que ten sobre el e sobre a súa morte..
Érase unha vez, un pequeno barrio familiar na periferia de Roma, a canícula alegre agochaba unha sofocante atmósfera de alienación. Varias familias nunha especie de limbo, a tensión é crecente e parece poder estoupar dun momento a outro.Din os directores que os relatos deste filme están inspirados en historias reais e estas, a súa vez, en historias falsas…
Un home que perdeu completamente a memoria debe reiniciar a súa vida nunha zona marxinal, xunto a seres humanos apartados da sociedade.
A musicóloga suíza Dorothé Schubarth chegou a Galicia a finais dos 70 na busca de cancións tradicionais que desapareceran no centro de Europa. Desta busca saíron as 300 horas de gravacións que forman o Cancioneiro Popular Galego, a maior compilación de músicas tradicionais do país hoxe en día depositadas no APOI – Museo do Pobo Galego. Corenta anos despois, dúas mozas inician unha viaxe tras os pasos de Schubarth para encontrar as voces que ela recolleu e descubrir as súas historias de vida.
