Proxección audiovisual

Empeza o ano escolar. Germain, profesor de francés, corrixe as tarefas dos seus novos alumnos. É desastroso. Porén, un rapaz que prefire sentar discretamente na última fila, "desde onde pode ver aos demais", demostra ter un afiado sentido da observación, incluso dunha visión sutil. Alentado polo profesor, empeza unha redacción tipo folletín, penetrando no mundo de dúas familias: unha pertencente á pequena burguesía, coas súas esperanzas e frustracións; e outra máis achegada á vida intelectual e artística. A realidade e a ficción mestúranse ata confundirse nun xogo enxeñoso.

Zibila é unha cebra adoptada por unha familia de cabalos. No seu primeiro día de escola, os seus compañeiros trátana diferente e rin dela por ter raias, pero grazas a unha gran aventura co seu amigo Carino recuperará a confianza.

Judith leva unha dobre vida entre Suíza e Francia. Por un lado, Abdel, con quen está a criar a súa filla en común. Polo outro, Melvil, con quen ten dous fillos algo maiores. Aos poucos, este fráxil equilibrio feito de mentiras e segredos vai fracturando. Ante o desenmascaramento, Judith elixe a fuxida cara a diante.

Novocherkask, Unión Soviética, 1962. Lyudmila é membro do partido comunista local. Ela defende os ideais do réxime comunista e despreza todo tipo de disidencia. Durante unha folga laboral nunha fábrica de motores, ve como o exército mandado polo Goberno dispara aos protestantes e comete un masacre. Ese suceso cambiará a súa visión das cousas. Coa cidade destruída e axitada polas revoltas, hai moita xente ferida e desaparecida. Unha das desaparecidas é a filla de Lyudmila, o que a obrigará a buscala entre o caos.

Mona é unha muller á que todo lle vai mal. En plena crise dos corenta, sen traballo, sen parella, sen cartos e co soño de ser actriz, decide terminar os seus días tirándose por unha ponte. Porén, unhas chamadas no último momento recordaranlle que queda pouco para o seu aniversario. O que parece que pode ser un intento de volver á normalidade na súa vida desembocará nunha semana frenética con todo tipo de situacións disparatadas.

Harald é un afamado arquitecto cuxos servizos foron demandados polo maharajá Chandra do reino de Esnapur. De camiño, Harald salva á bela bailarina Seetha das fauces dun tigre. O frechazo entre os dous é instantáneo, pero o maharajá, dominado polos celos, non está disposto a que esta relación siga adiante.

Lisa e Giorgi atópanse por casualidade nunha rúa da cidade xeorxiana de Kutaisi e o frechazo é inmediato. Tanto, que mesmo esquecen preguntar cadanseu nome.  Antes de continuar o seu camiño, acordan reunirse o día seguinte. Conseguirán reencontrarse? E se o fan, saberán quen son? Premio FIPRESCI da crítica internacional na pasada Berlinale, Alexandre Koberidze relata unha historia de amor como nunca a tiñamos visto.

Antoloxía de curtametraxes para adultos nas que se empregan diferentes técnicas de animación nas que se encontran a comedia, o documental e o cinema experimental. Unha ocasión única de explorar o rico universo visual da animación contemporánea nunha experiencia inusual nas pantallas de cinema.

Toomas dans la vallée des loups sauvages
(Chintis Lundgren, 18', 2019)

Average Hapinnes
(Maja Gehrig, 7', 2019)

Filles bleues, peur blance
(Marie Jacotey & Lola Halifa-Legrand, 10', 2020)

Hold Me Tigh
(Leoluna Tourneur-Robert, 6', 2021)

Unha historia de investigación impactante sobre verteduras tóxicas en Arica, Chile. Un mozo docuactivista levará a unha multinacional sueca aos tribunais.

William Tell (Oscar Isaac) é un exmilitar e xogador profesional de póker. A súa meticulosa vida vese alterada cando se lle achega Cirk, un mozo que busca axuda en Tell para executar o seu plan de vinganza contra un coronel militar.