Londres, anos 50. Hester leva unha vida privilexiada como esposa do xuíz do Tribunal Supremo, Sir William Collyer . Atrapada nun matrimonio infeliz, namórase apaixonadamente dun ex piloto da RAF. Un amor imposible que escandalizará á sociedade británica da posguerra.
O pequeno Quinquin e a súa noiva Eve lideran unha banda de delincuentes que está a aterrorizar a un pobo de Boulonnais cos seus atroces crimes.
Dous homes, unha muller, un amor, un desexo máis forte que a lei e que a natureza salvaxe do mundo que lles rodea. Leonardo, O Noivo e A Noiva son un triángulo inseparable desde nenos, pero Leonardo e A Noiva teñen un fío invisible, feroz, imposible de romper? Pasan os anos e ela, angustiada e infeliz, prepárase para a súa voda co Noivo no medio do deserto branco, de terras salinas e ermas, onde vive co seu pai. O día anterior á cerimonia, á súa porta chama unha Esmoleira anciá que lle ofrece un agasallo e un consello: ?Non te cases se non lle amas?, mentres lle dá dous puñais de cristal.
A Òpera Mouffe
L'opéra-mouffe | Agnès Varda | 1958 | 16 min
A Opéra-Mouffe é o caderno de apuntamentos dunha muller embarazada no barrio de Mouffe (rue Mouffetard, en París). O mercado, os vagabundos e os borrachos. Imaxes onde quizais se sinta a tenrura de quen mira e filma ás persoas.
Ola, cubanos
Salut les cubains | Agnès Varda | 1963 | 30 min
Catro anos despois da chegada de Fidel Castro, Agnès trouxo 1.800 fotos de Cuba o que fai deste un documental educativo e entretido, Ola cubanos!
Jana é unha rapaza de 8 anos forte e aleuta que ten moitas ganas de que chegue o Nadal, pero este ano terá que pasalo coa súa avoa, xa que a súa nai precisa descanso. Pola súa banda, a pequena Violeta nunca se imaxinara vivindo no Pazo de Versalles, e menos co seu tío Regis! Ambas protagonistas atoparanse con situacións que non entraban nos seus plans, pero aprenderán a vivilas con optimismo e alegría.
Dúas fermosas historias cheas de maxia e tenrura que abordan a xestión das emocións dos máis miúdos da casa.
Político, economista, profesor universitario, activista, músico, tradutor, viaxeiro, fotógrafo, ensaísta, conversador Xosé Manuel Beiras é un e moitos. Beiras mantén íntegra a súa paixón por comprender o mundo, por compartir a súa visión, por contrastala, por pensar o futuro, o presente, o pasado. Por iso, Beiras. Vivir2Veces non é un filme sobre Beiras, senón un filme CON Beiras.
Pese a non ser quen de se recuperar dun drama persoal, Yusuke Kafuku, actor e director de teatro, acepta montar a obra Tío Vania nun festival de Hiroshima. Alí, coñece a Misaki, unha moza reservada que lle asignaron como chofer. A medida que pasan os traxectos, a sinceridade crecente das súas conversas obrígalles enfrontarse co seu pasado.
Niño de Elche é artista. É cantaor. É un provocador. Un erudito. É o fillo dos seus pais. Unha persoa de Elche. É todas esas cousas e ningunha.
Canto cósmico achégase ao músico español máis controvertido dos últimos anos a través das persoas máis relevantes que compoñen a súa vida e obra.
C. Tangana, Angélica Lidell, Pedro G. Romero, Raúl Cantizano, Israel Galván ou Paqui e Aladino, os seus pais, son só algunhas das voces que, unidas á de Paco nunha polifonía harmónica, debuxan este retrato libre, case cubista, de Niño de Elche.
A Radio Comunitaria da Coruña, CUAC FM 103.4, estrea mundialmente no Teatro Colón o xoves 10 de febreiro o documental "Nada que ver" dirixido por Iago Prada. É un percorrido histórico a través de máis de 25 anos desde a súa inauguración en marzo de 1996.
A gala contará cos presentadores Lucía Veiga e Víctor Grande e un breve discurso do director, sen descartar algunhas sorpresas.
O documental foi posible grazas a unha subvención do Departamento de Cultura da Deputación provincial da Coruña e a colaboración do Concello e a Universidade da Coruña.
Londres, anos 60. Colin (Michael Crawford) perdeuse toda a revolución sexual, pero ten ao seu amigo Tolen (Ray Brooks), a quen envexa, para que lle ensine todos os segredos que debe coñecer para conquistar ás mulleres e poder recuperar o tempo perdido. Nancy Jones (Rita Tushingham) é unha nova despistada e provinciana que chega a Londres... Anárquico clásico da cultura mod cunha música xenuína do swinging London. Obtivo a Palma de Ouro en Cannes.
