Taeko Okajima é unha moza que pide permiso de vacacións para poder regresar á súa casa de Yamagata, a vila da súa cuñada, e onde viviu os momentos máis felices da súa vida. No transcurso da viaxe á granxa dos seus familias e á súa posterior estancia, Taeko irá recordando o seu pasado, mentres vive intensamente o presente, sen saber moi ben que facer coa súa vida.
Johan é un excéntrico e inadaptado habitante dunha pequena aldea norueguesa. Orfo desde neno e afeccionado aos explosivos, Johan tenta conquistar o corazón da súa veciña Solvor, a quen voou polos aires accidentalmente de pequenos.
Monsieur Hulot é deseñador de vehículos dunha empresa de automóbiles que foi convidada a participar nunha importante exposición do motor. Hulot, que deseñou un peculiar vehículo que se converte nunha casa con rodas, terá un accidente viaxando cara o seu destino.
Animaladas de cinema é unha adaptación delirante de fábulas populares levadas á gran pantalla con sentido do humor e enxeño. Pequenas historias universais que conservan o carácter educativo orixinal e engaden creatividade e diversión. O mellor das fábulas e do cartoon nunha mesma proposta.
Retrato do músico máis popular e prolífico do século XX, o máis querido polo público internacional, dúas veces gañador do Oscar da Academia e autor de máis de 500 bandas sonoras inesquecibles: Ennio Morricone. Unha fermosa homenaxe en forma de documental conformado por unha entrañable entrevista de Tornatore co Mestre, por testemuños de artistas e directores como Bernardo, Bertolucci, Oliver Stone, Quentin Tarantino, Bruce Springsteen, e tamén por escenas de ficción, fragmentos da súa música e imaxes de arquivo.
Justine (Kirsten Dunst) e o seu prometido Michael (Alexander Skarsgård) celebran a súa voda cunha suntuosa festa na casa da súa irmá (Charlotte Gainsbourg) e o seu cuñado (Kiefer Sutherland). Mentres tanto, o planeta Melancolía diríxese cara a Terra.
Un severo coronel unionista está á fronte dun reximento que debe infiltrarse en pleno territorio confederado para cumprir unha difícil misión. Nesta aventura acompáñao un médico de bos sentimentos. Para evitar que revele os seus plans ao inimigo, vense obrigados a levar como refén unha moza rebelde sureña que coñece a misión.
Sean Thornton, un boxeador norteamericano, regresa á súa Irlanda natal para recuperar a súa granxa e esquecer o seu pasado. Nada máis chegar namora de Mary Kate Danaher, unha moza moi temperamental, aínda que para conseguila deberá loitar contra os costumes locais, como o pago da dote e, ademais, contra a oposición do irmán da súa prometida.
Un home desexa vender a súa empresa. O problema é que, cando a fundou, inventouse un presidente ficticio, tras o cal pode ocultarse cando tivera que tomar medidas impopulares. Cando os posibles compradores insisten en negociar cara a cara co presidente, o propietario vese na obriga de contratar a un actor fracasado para que interprete ese papel. De repente, o actor decátase de que non é máis que un monicreque envolto nunha trama que quizais poña a proba a súa catadura moral.
Un grupo de mozos comparte un mesmo interese: a idiotez. Cunha casa de campo como base, pasa o seu tempo libre xuntos explorando os ocultos e pouco apreciados valores da idiotez. O grupo adícase a enfrontarse á sociedade coas súas idioteces. Karen, unha muller solitaria e reservada, únese ao grupo despois de participar involuntariamente nunha das sáus actuacións.
