Rob deixou o seu pasado atrás. Agora vive illado nunha cabana medio escanastrada nun bosque de Oregón. A súa única compaña, e medio de vida, é a súa porca buscadora de trufas. O único contacto de Rob co mundo é Amir, quen lle merca as trufas para os restaurantes da cidade. Cando secuestran á súa cocha, Rob lánzase na súa busca nun estraño submundo criminal dos restaurantes de Portland.
Logo de varios anos vivindo nos Estados Unidos, Sangok regresa a Seúl para se reencontrar coa súa irmá e o seu sobriño. Mentres se acostuma á vida en Corea, pasea por un parque ou busca a antiga casa onde medrou, convertida agora nunha tenda. Aínda que leva moitos anos sen exercer como actriz, Sangok decide encontrarse cun famoso director de cinema máis novo ca ela, que lle propón participar no seu vindeiro filme. Sangok vive a vida no presente pero, pese ao seu desexo de regresar á interpretación, garda un segredo que a fai dubidar.
Logo de varios anos vivindo nos Estados Unidos, Sangok regresa a Seúl para se reencontrar coa súa irmá e o seu sobriño. Mentres se acostuma á vida en Corea, pasea por un parque ou busca a antiga casa onde medrou, convertida agora nunha tenda. Aínda que leva moitos anos sen exercer como actriz, Sangok decide encontrarse cun famoso director de cinema máis novo ca ela, que lle propón participar no seu vindeiro filme. Sangok vive a vida no presente pero, pese ao seu desexo de regresar á interpretación, garda un segredo que a fai dubidar.
Quinta e penúltima parte da serie Comedias e proverbios. Delphine é unha secretaria parisina sen plans para as súas vacacións despois de que a súa amiga as cancelara no último minuto. Soa e triste, ela está decidida a viaxar. No camiño coñece a unha rapaza sueca que intenta animala pero que só consegue acentuar a súa sensación de soidade, ata que o seu destino dá un xiro inesperado.
Pauline é unha adolescente de 15 anos que pasa o verán na costa atlántica francesa coa súa curmá Marion. Marion atópase alí con Pierre, un antigo amigo, que se sente atraído por ela. Porén, Marion prefire o aventureiro Henri, aínda que sabe que a súa relación con el será efémera. Mentres, tamén Pauline ten un romance... Terceira entrega da serie Comedias e proverbios de Rohmer.
Feito en papel maché, as delicadas marionetas cobran vida en stop-motion, con fermosas decoracións coloreadas, para contarlles a peques e maiores a vida da fauna e a flora dos nosos campos e facelos conscientes da preservación da natureza e o equilibrio dos ecosistemas.
Malí, 1960. A xuventude de Bamako baila o twist ao ritmo do rock and roll recentemente importado de Occidente e soña co cambio político. Samba, un mozo socialista, namora de Lara, unha rapaza de carácter vivaz, durante unha das súas misións na selva. Para escapar dun casamento forzoso, ela foxe en segredo con el á cidade. Pero o home de Lara non o permitirá e, ademais, a Revolución non tardará en proporcionarlles dolorosas desilusións mentres se empeñan en soñar cun futuro compartido entre os dous.
Benediction explora a vida turbulenta do poeta da Primeira Guerra Mundial, Siegfried Sassoon, a través da mirada do venerado cineasta Terence Davies. Sassoon foi un home complexo que sobreviviu aos horrores de loitar na Primeira Guerra Mundial e foi condecorado pola súa valentía, pero converteuse nunha voz crítica contra a dirección do goberno na guerra cando volveu do seu servizo militar.
Un grupo de estudantes de instituto decide formar un aquelarre de bruxas. Secuela de "The Craft", estreada orixinalmente en 1996.
Estrea do documentario sobre o Circo de Artesáns no Teatro Colón.
Estrea do documentario Circo de artesáns: o Ateneo de Galicia.
(Unha nova visión de capítulos esenciais e moitos deles descoñecidos da historia da Cidade da Coruña e de Galicia).
Día 5 de xullo, ás 20 horas, no Teatro Colón.
Entrada Libre e gratuíta.
As entradas pódense recoller xa na sede do Circo de Artesáns (rúa San Andrés, 36-CORUÑA) ou o mesmo día 5 de xullo, unha hora antes do acto, na taquilla do Teatro Colón.
