Proxección audiovisual

Documental producido por Filmoteca Española e realizado con imaxes caseiras filmadas por habitantes das colonias, provincias e territorios baixo dominación española entre 1940 e 1975.

O pai Angel Berriatúa, logo de máis de vinticinco anos de estudo, chega á conclusión de que o Anticristo vai nacer o 25 de decembro de 1995. Chega a Madrid e axudado polo heavy Jose Mari, ponse en contacto co Profesor Cavan, o único que pode abrir o camiño ata Satán.

George Bailey (James Stewart) é un honrado e modesto cidadán que dirixe un pequeno banco familiar, a pesar dos intentos dun poderoso banqueiro por arruinalo. O día de Noiteboa de 1945, sorprendido pola repentina desaparición dunha importante suma de diñeiro, que suporía non só a quebra do seu banco, senón tamén un grande escándalo, decide suicidarse, pero cando está a piques de facelo ocorre algo extraordinario.

O oscarizado guionista e director Paolo Sorrentino presenta a historia dun mozo, Fabietto Schisa (Filippo Scotti), no turbulento Nápoles dos anos oitenta. En Foi a man de Deus, hai lugar para alegres sorpresas, como a chegada do lendario futbolista Diego Maradona, e para unha traxedia igual de imprevista. O destino interpreta o seu papel, a ledicia e a desgraza entrelázanse e o futuro de Fabietto bota a rodar. Sorrentino volve á cidade que o viu nacer para contar a súa historia máis persoal: un relato sobre o destino e a familia, os deportes e o cinema, o amor e a perda.

Mentres o mundo enfróntase á apocalipse, un grupo de vellas amizades reúnese para celebrar o Nadal nunha idílica casa de campo no Reino Unido. Incomodados pola idea da inevitable destrución da humanidade, deciden afrontar a situación con tranquilidade, abrindo outra botella de Prosecco e continuando coa celebración...Pero, por moito que queiran finxir normalidade, tarde ou cedo terán que facer fronte á idea de que é a súa última noite.

Arthur Fleck (Phoenix) vive en Gotham coa súa nai, e a súa única motivación na vida é facer rir á xente. Actúa facendo de pallaso en pequenos traballos, pero ten problemas mentais que fan que a xente lle vexa como un bicho raro. O seu gran soño é actuar como cómico diante do público, pero unha serie de tráxicos acontecementos faralle ir incrementando a súa ira contra unha sociedade que lle ignora. 

O vindeiro mércores 29 de decembro, ás 19.00 horas, terá lugar no salón de actos do Auditorio de Rianxo un video-forum do documental de Pedro Solla Morreu o demo acabouse a peseta dentro da programación do Titiriberia, festival de títeres.

O venres 17 de decembro, ás 21.00 horas terá lugar a pre-estrea da curtametraxe do rianxeiro Fran X. Rodríguez Devoradora de nenos.

A reserva de localidades realizase no enderezo web concelloderianxo.gal/reservas . Será efectiva cando se confirme dende o auditorio (a confirmación non é inmediata).

De quedar localidades dispoñibles, poderán solicitarse na billeteira do auditorio dende media hora do evento.

Koistinen, un garda de seguridade nocturno, percorre as rúas na procura dun lugar ao sol, pero a indiferencia xeral destroza, unha tras outra, as súas modestas esperanzas. Un grupo de mafiosos, que se aproveita da súa sede de amor e da súa profesión coa axuda dunha muller fría e calculadora, organiza un roubo do que acusan só a Koistinen. Así, perde o seu traballo, a súa liberdade e os seus soños. Terceira parte da triloxía que empezou con Nubes pasaxeiras (1996) e Un home sen pasado (2002).

John, un limpador de fiestras de 35 anos, dedica a súa vida a criar o seu fillo Michael, un neno de catro anos a quen a súa nai abandonou xusto despois de nacer. Ambos levan unha vida simple, elaborada a través de rituais diarios, nunha relación de amor sen fisuras. Por desgraza, a John só lle quedan uns poucos meses de vida. Dado que non ten familia, decide investir os días que lle quedan en buscar unha nova familia que adopte a Michael co fin de salvar o seu fillo de descubrir a terrible realidade da vida.