Proxección audiovisual

Cando a especie humana se adapta a un entorno artificial, o corpo humano é obxecto de novas transformacións e mutacións. Coa a axuda da súa compañeira Caprice (Léa Seydoux), Saul Tenser (Viggo Mortensen), célebre artista performativo, escenifica a metamorfose dos seus órganos en espectáculos de vangarda. Timlin (Kristen Stewart), unha investigadora da Oficina do Rexistro Nacional de Órganos, segue de preto as súas prácticas. É entón cando un grupo misterioso aparece: desexan aproveitar a fama de Saul para revelar ao mundo a próxima etapa da evolución humana...

Marco Silvestri, capitán dun cargueiro, recibe unha chamada para que vaia inmediatamente a París. A súa irmá Sandra está desesperada: o seu home suicidouse, a empresa familiar está ao borde da quebra e a súa filla foi internada nun centro psiquiátrico. Sandra acusa ao poderoso empresario Edouard Laporte de ser o responsable da situación. Decidido a atopar o punto débil deste home para poder vingarse del, Marco múdase ao edificio onde vive Raphaelle, a amante de Laporte.

As protestas estouparon nas rúas de Santiago, a capital de Chile, en 2019, mentras a poboación esixía máis democracia e igualdade social arredor da educación, a sanidade e as oportunidades laborais.

Cineconcerto que propón unha viaxe ao cine mudo dos anos vinte con música en directo. En “O heroe do Río”, unha das mellores comedias de Buster Keaton, o protagonista trata de impresionar á súa noiva mentres se esforza por cumprir coas expectativas do seu pai. A acción desenvólvese no Mississippi, onde dous empresarios compiten polo control do transporte de mercadorías. Un deles é o pai do protagonista, que chega para axudar no negocio despois de estar estudando na cidade e namora da filla do rival.

Nada agás silencio. Nada agás unha canción revolucionaria. Unha historia en cinco capítulos, como os cinco dedos dunha man.

Inicios dos cincuenta. Juli intenta estudar cinema en Budapest, pero a súa solicitude é denegada. Vaise a Moscú cursar a carreira. Ao seu regreso, intenta acabar o seu filme de graduación, mais ten dificultades porque as autoridades competentes non o aceptan. Vese obrigada a ceder no terreo artístico. Mentres, en Budapest, deteñen a János e presiónano para que realice unha confesión.

Cinco mozos pasan o verán nun apartamento emprestado en París. Inspirados polas teorías comunistas de Mao, recorren a medios extremos para loitar polo seu desexo de transformar o mundo. Como reza o primeiro rótulo do filme, esta película está “en proceso de facerse”, unha declaración que presaxia a vaga de cambios que chegaría no 68.

Alexandre é un mozo burgués cínico e egoísta que viven en París. Atópase nunha fase nihilista da súa existencia: non estuda, non traballa e apenas se interesa polos libros ou pola música. O único que lle interesa son as mulleres e, ademais, vive a conta delas. Pouco a pouco vai formando con Marie e Veronika, a pesar da inicial resistencia de ambas, un atípico 'menage à trois" que, para el, é absolutamente satisfactorio porque representa un equilibrio entre o sexual, o maternal e o material.

Raphi é unha persoa nova, andróxina e algo naíf. Escribe poemas e soña con namorar dun príncipe azul. Da súa Francia natal trasládase a Barcelona, onde a realidade está moi lonxe de ser como a proxecta. Tras ser diagnosticada de disforia de xénero, comezará unha ardua viaxe para asumir a súa verdadeira identidade. Médicas, compañeiras, artistas e homes que vai coñecendo daranlle os seus propios consellos, pero só o tempo e a experiencia axudarán a Raphi a atopar o seu lugar no mundo.

En agosto de 1961, os espeleólogos do florecente norte de Italia chegan a unha meseta de Calabria onde o tempo parece deterse. Os intrusos descobren unha das covas máis profundas do mundo, o abismo de Bifurto, baixo a mirada dun vello pastor, única testemuña do territorio virxe.

Gañadora do Premio especial do Xurado en Venecia, Il Buco é unha viaxe a unha Calabria edénica, allea ao balbordo do mundo moderno. Un filme de imaxes cristalinas que nos limpa a mirada para que nos sintamos como eses exploradores das profundidades que descobren por primeira vez o interior do mundo.