Val de San Fernando, California, 1973. Seguimos a historia de Alana e Gary, dous estudantes do instituto. El soña conquistar o amor da moza aínda que ela é uns anos maior. Todo muda cando, a raíz de ter un aplaudido papel no teatro, o rapaz se convirta nun actor famoso. A súa vida semella doada, pero ten que facer o imposible para levar unha vida equilibrada entre a sona e a vida dun rapaz normal.
A Illa de Chelo é un vibrante documental de Odette Martínez sobre a guerrilla antifranquista e a violenta represión militar na comarca ourensá de Valdeorras.
Partindo do asasinato dos seus pais e das súas vivencias de guerrilleira, Consolo Rodríguez, Chelo, narra os crimes cometidos pola Lexión ao mando de Sergio Peñamaría de Chairo, así como a loita heroica das guerrilleiras e guerrilleiros contra o franquismo e pola democracia.
Dedicada a Jacques Demy. As criaturas conta unha dobre historia: a vida dunha parella e o nacemento dunha novela. Tras un accidente de coche, un novelista termina nunha curiosa nave e descobre que adquiriu o poder de actuar sobre os demais.
Leïla e Damien quérense con loucura. Ambos loitan por manter unida a familia a pesar da bipolaridade de Damien. Ningún se rende, aínda que el sabe que nunca poderá ofrecerlle o que ela desexa.
Unha moza herda dos seus avós unha casa enorme e con ela unha serie de responsabilidades e sorpresas. Porén, non herdou o talento dos seus anteriores moradores. Afortunadamente, eles seguen dentro da casa e non han tardar en intervir. Chámanse Fernando Fernán Gómez e Emma Cohen.
“Esther, a protagonista de Rastros, é unha muller descaradamente libre. Seguramente anticipada ós tempos de hoxe. Acostuma a dicir o que pensa e facer o que sinte, sen prexuízos. Intentou evitalos pero sen éxito. É un dos personaxes femininos máis interesantes que produciu a dramaturxia galega, unha libertaria finisecular que tería topado o seu lugar nas manifestacións feministas de hoxe. Rastros pivota sobre a súa liberdade e, ó mesmo tempo, polas debilidades que a fan muller galega do seu tempo”. ESTHER: Xa ves! O mundo é un pano cheo de mocos. E algúns deles son teus.
Ida Joglar é unha cineasta e vídeo artista de San Juan, Porto Rico. En 2009 mudouse á cidade de Nova York, onde completou o seu máster en Fotografía, Vídeo e Medios Audiovisuais da Escola de Artes Visuais. Editou varias longametraxes (Keep In Touch, Babysitter), así como curtos documentais como The Gaze (2018) e Evaporar (2019), que se estrearon no Fantasia Film Festival e Cinefesta, respectivamente. Curvy Crew. Camiñando por romper estereotipos é a súa primeira longametraxe documental.
A avogada Vitoria Spick é convidada a un voda dun excliente, Vicent, con Sam. Ao día seguinte, Sam acusa ao seu recentemente estreado marido de intento de asasinado. Vicent contrata a Vitoria para que lle defenda, a pesar de que a única testemuña é o can da vítima. Todo ésto só é o inicio dunha fervenza de problemas para a nova.
Vicent vai celebrar a súa primeira paternidade cunha cea na casa da súa irmá e o seu cuñado, xunto á súa muller e o seu mellor amigo. Ao saír o tema do nome do bebé, a agradable velada converterase nun inferno de reproches e puñaladas.
Anne vén de Estonia a París para coidar a Frida, unha vella dama estoniana que vive en Francia desde hai moitos anos. Á súa chegada, Anne dáse conta de que non é ben recibida. Frida está moi ocupada con Stéphane o seu mozo amante. Anne vai resistindo á súa maneira.
