Presentación

Esta primeira entrega da nova saga de Ledicia Costas e Mar Villas preséntanos a Pochiña, Maya, Dinamito e Penoso, nenos e nenas de ultratumba, cas súas historias arrepiantes cheas de humor e sabedoría. Os Minimortos son unha cuadrilla de nenos moi diferentes a ti: son nenos de ultratumba. Agardan polos seus pais no Outro Barrio, un lugar de paso onde teñen liberdade para facer o que lles pete. Todo cambia o día que chega Catacrak, un cativo que quere regresar ao mundo dos vivos. Os Minimortos terán que empregar o seu enxeño para axudalo. Conseguirán que Catacrak regrese á vida?

Lobas brancas, lavandeiras máxicas, castelos encantados e damas castrexas. Viaxade con nós aos lugares onde se atopan os contos. Guerreiras de lenda é un compendio de relatos, poemas e actividades divertidas con protagonistas mulleres da mitoloxía galega.

Este ano celebramos o 2º concurso de ilustración e 3º de Conto Fantástico en Galego baixo o título Contos Arrepiantes para contar ao carón da lareira e editamos un volume cos 10 relatos e ilustracións gañadores e finalistas, dándolle unha oportunidade ao novo talento galego e contribuíndo ademáis a difusión e a creación de nova literatura en galego. O Concurso de relatos foi coordinado polo escritor Xosé Duncan, mentras que o de ilustración tivo a coordinación de Carlos Dalmeida.

Presentación do libro Polo rego con Carme Freire, Rosendo Luís Estévez e Isidro Dozo. 

Do mesmo xeito que as partituras sustentan as acrobacias da improvisación, entre os cimentos dos discurso sólidos brinca, funambulista, a liquidez dos versos. Así, este libro escribiuse ao desconstruír a voz e o trazo das súas autoras. Sobre a trama resultante a literatura compuxo colaxes urdidas coa figura e as palabras de pensadores que teceron imaxinarios redentores a través do tempo. As raíces das súas ideas medran agora en nós, coma árbores no deserto. Coma árbore no deserto agroma, rizomática, a nosa arte, oasis de liberdade.

Presentación cruzada dos últimos libros de Teresa Moure (Sopas New Campbell, Cuarto de Inverno 2020) e Susana Sánches Arins (SuperUlex, Cuarto de Inverno 2020).

Entrada libre ata completar a capacidade.

Banda deseñada baseada en varios items da biografía de Ricardo Carvalho Calero: infancia, estudos universitarios, a Guerra, docencia en Fingoi, USC, reintegracionismo de forma a mostrar os problemas da situaçión cultural, linguística e política do país ao longo do século XX e de por que estamos onde estamos, con Valentim Fagim (Através Editora) e Germán Hermina (guionista da banda desenhada).

Entrada libre ata completar a capacidade.

Un traballo que xa ven de longo, e que comezou en xaneiro deste ano, e que ve a luz, ao faltaren poucos días para dar a benvida ao 2019. Un proxecto que comezou coa loira feminista que este ano se produciu nas nossas ruas.

Marzo de 2016, en plena guerra de Siria, a cidade de Alepo está dividida en dúas partes enfrontadas. No lado rebelde, a activista Amira loita por informar o mundo desde dentro da guerra e visita un orfo rescatado baixo os cascallos; no lado do réxime, Isam, un químico que traballa nunha fábrica de xabón, teme a notificación do Goberno para engrosar as filas do exército. Ao mesmo tempo en Bruxelas, días antes do atentado terrorista de Zaventem, Alicia topa indicios desacougantes que a fan temer pola vida da súa parella.

Várias colaboradoras da publicacion abordaran algunhas das questions e dos desafios mais prementes para o LGBTIQ na Galiza de hoxe e discutiran acerca das ligazóns entre sexualidade e galeguidade, coa participación aberta para o público.

Entrada libre ata completar a capacidade.