Había unha vez un home moi vello que estaba amolado porque o seu único fillo non quería herdar o seu oficio. Todos os días o pai, chovese ou non, tiña que ir traballar, mentres o fillo quedaba estomballado na casa agardando a hora do xantar. Pero un día todo cambiou: o pai enfermou e o rapaz tivo que aprender en pouco tempo os trucos para ser un bo home do saco.
Este encontro coa palabra é unha celebración...unha festa. O inicio dun camiño para construír xuntos. E é que cando a palabra é concreta, divertida, xoguetona...é imparable. Chéganos coma unha frecha, directa, e quédase a vivir en nós, sin importar a idade que teñamos.
De 0 a 3 anos
Un relato dun galego enxebre que viveu moitas desgrazas, decidiu tomar a vida con humor e contar esas desgrazas con moita retranca.
Se os galegos sairamos máis nos libros de historia, a historia sería outra!
Un galego con un cubata na man sabe de todo, e punto!
Contos Solidarios é un proxecto cultural, medioambiental e de solidariedade promovido polo contacontos galego Anxo Moure, que dende o ano 1989 percorre as terras de Galiza, sturias, Portugal, O Bierzo..., contando historias solidarias coa terra e coas persoas que a habitan.
Na casa de Violeta ultimamente hai bastantes problemas. Tantos que Violeta, seu pai e súa nai teñen que deixar a súa casa e ir á da avoa. Pero o peor aínda estaba por chegar. Unha noite Violeta, metida na cama con súa avoa, comeza a soñar en branco e negro. Os seus soños quedaron sen cores! Menos mal que alí estaba a avoa e un vello libro cheo de cores e de contos para soñar, rir e volver a crer que os problemas teñen solucións e os nosos soños poden ter todas as cores que queiramos.
Actividade de Ler conta moito, da Rede de Bibliotecas de Galicia.
Hai nenas que poden cambiar o mundo. Non é preciso que teñan unha forza extraordinaria, nin unha intelixencia extraordinaria, nin unha habilidade extraordinaria. Non é preciso que sexan extraordinarias, só valentes e tan curiosas que adiviñen as preguntas axeitadas para atopar respostas.
Selección de contos de diferentes tradicións culturais transmitidas de maneira oral con toda a súa poesía para o programa '12 doces no outono'.
Chelo Garcia Naveira, máis coñecida como Nabiza Girl, é unha superheroína rural galega con denominación de orixe protexida. Os seus poderes proveñen do sulfato.
O espectáculo de 'Contos nas orellas' de Migallas Teatro ofrece contos de risa, trasnos e carapuchiñas perfectos para os días de festa. A tradición oral da man da literatura infantil. Co ritmo das ondas no noso maxín, entraremos no mundo da fantasía e da imaxinación...
'Contos nas orellas' é unha actividade para todos os públicos onde nenos e maiores poderán gozar das historias e coñecer instrumentos como o acordeón, o xilófono ou a melódica.
Esta actividade está programada dentro de '12 doces do outono'.
Desde a súa máis tenra infancia, Diana, Dani e Sergio soñaron con, algún día, vivir do conto. Pois ben, ese día chegou.
No seu espectáculo irán turnándose para contar os seus contos nun ambiente íntimo e próximos ao público.
Sesión de contacontos para nenos e nenos, co obxecto de que, despois de contarlles a historia, que lle dean vida no papel.
Actividade de Ler conta moito, da Rede de Bibliotecas de Galicia.
