Contos da Montaña (Rusa) é un espectáculo de narración oral en lingua galega (con algúns fragmentos en portugués e inglés), concibido como unha viaxe nunha atracción de feira con paradas no Brasil, en Escocia, no País de Gales ou na propia Rusia, pensado para rapaces e rapazas de todas as idades.
Esta actividade forma parte da programación de dinamización lectora de Ler conta moito, da Rede de Bibliotecas de Galicia.
Os cantacontos farán bailar, cantar, contar e soñar ao ritmo da guitarra, do bater das palmas e do latexar do corazón. Unha actividade para compartir, participando cos pés, as mans, creando ritmos... unha actividade que non deixará indiferente.
Esta actividade forma parte do programa de dinamización lectora Ler conta moito, da Rede de Bibliotecas de Galicia.
Andrea Bayer conta cunha ampla variedade de contos cos que pode xogar en cada sesión. Presenta os seus contos en diferentes formatos, contos dramatizados, contos de libro, contos con obxectos,etc...
Espectacular showman e monologuista que utiliza na súa posta en escea un toque salvaxe, enérxico e incluso algo macarra ao servizo da risa do público. Hábil improvisador e cun repertorio no que toca todos os temas existentes, Pepo Suevos non deixa indiferente a ninguén nos seus espectáculos. Os números en directo ou “corpo a corpo” son a súa especialidade, un formato co que xa leva dado case mil actuacións, polo que pode presumir de ser un dos artistas galegos máis curtidos e experimentados.
José Rodríguez de Vicente, Joselín, é o protagonista dun dos primeiros documentos sonoros do teatro galego (1929-1954), un xograr, en palabras de Paz-Andrade, que soubo enraizar os seus contos na antiga tradición do escarnio popular de mariñeiros e labregos. Tres oradores de renome recrean en palco Os contos de Joselín e asociaranos aos seus propios contos.
Dirección artística: Quico Cadaval
Duración: 90 min
Nano está medrando moi apresa, xa sabe facer moitas cousas el só, pero non quere deixar de usar o cueiro...
As veces xogando todo parece máis sinxelo e divertido, para usar o penico Nano montará un circo
Con inscrición previa a partir do luns 5 de setembro, na biblioteca, na planta baixa (información) ou por teléfono 886 159 250 de 9:00 a 20:30h.
25 bebés, que poderán ir acompañados dun adulto por cada un.
Para bebés de 1 a 3 anos.
A morte deixa de ser unha inquedanza, un medo ou un final. A través das historias que forman este espectáculo, Caxoto contacontos, fai un repaso polos distintos significados que a morte ten na nosa cultura.
Durante 60 minutos póense deixar os malos agoiros a un lado para poder enfrontarse coa morte de igual a igual. Sen perderlle o respecto, pero cun sorriso nos beizos. Quen sabe, igual ata se descubre que hai de verdade na expresión "morrer de risa".
Andrea Ea Ea Ea é quen de facer un caldo atípico. Este caldo precisa de ingredientes moi especiais. O primeiro ingrediente son orellas, orellas que escoiten; outros ingredientes que lle darán sabor a este rico caldo son os contos, contos visuais, contos tradicionais e contos dramatizados aderezados con bonitas cantigas.
Luis Davila e Carlos Blanco deixan (momentaneamente) a saia escocesa e póñense esmoquin para sachar como é debido.
E ata cociñan caldo en directo.
Literalmente.
O debuxante de Bueu e o actor arousán combinan novamente inxenios e artes para atopar o cóctel perfecto.
Desta volta viaxan a Broadway.
Cos sachos, claro.
E bailan (?) claqué e todo.
Animación incluída.
Un xoguete escénico, un traballo a dúo onde a comedia ten finalmente a cobertura visual que nunca tivo.
Actividade de rúa para público de todas as idades destinada a poñer en valor a oralidade en lingua galega. Os lances máis divertidos dos protagonistas da saga do zapateiro editada por Bolanda chegarán este verán a 16 entidades da Rede de Dinamización Lingüística.
A cativada asistente recibirá cadanseu exemplar do libro do mesmo título para darlle continuidade á narración na casa.
