Evento: Gaspet

Un espectáculo que combina o teatro de máscaras, o clown e a manipulación de obxectos. Un único actor en escena interpreta a unha variedade de personaxes para abordar o mundo dun construtor de máscaras, introducirnos no seu oficio e dar vida ás súas creacións.

O protagonista introdúcenos na vida dun vello artesán, construtor de máscaras. O público chega ao seu taller, e alí penetrará no fascinante e misterioso mundo das máscaras. Gaspet, o artesán, transmite ao público algúns dos segredos que lle chegaron a través das catro xeracións da súa familia que o precederon nese oficio. Gaspet talla, modela, pinta, retoca e lixa. Reflexiona sobre esas vidas e personalidades que crea coas súas mans.

Os temas que transita Gaspet, son a paixón, a paciencia, a obsesión e a sorpresa. A disxuntiva entre manter intacto o legado que lle chega desde os seus devanceiros, ou xerar cambios que sente necesarios pero que atentan contra a tradición familiar.