Evento: O cabalo de ferro

Considerado o mellor filme da época muda de John Ford, un western arredor do ferrocarril e o espírito pioneiro dos Estados Unidos de América. O presidente Lincoln autorizou a construción dun enlace entre as liñas ferroviarias da Union Pacific e a Central Pacific. Un contratista (Will Walling) e un topógrafo (George O´Brien) emprende unha viaxe co obxectivo de trazar a ruta idónea, pero, aínda que logran localizar un paso montañoso que permitiría o establecemento dunha conexión moito máis rápida do que se esperaba, o risco de que os nativos ataquen aos traballadores ameaza con estragar o ambicioso proxecto.