Evento: Los Duques de Monterrey

Los Duques de Monterrey é un grupo formado por Linda Lamarr e Indy Tumbita, aos que acompañan Andrés Cunha, Charly Méndez, Paco Serén e David Rodríguez Rial.

A súa música combina rancheiras, narcocorridos e tex-mex creando unha mestura explosiva, a forza da música mexicana únese a sanguentas e violentas historias creando a banda sonora perfecta para unha hipotética nova tempada de Breaking Bad, corridos que ben poderían amenizar noites eternas de festa en Vigo a base de mezcal, bagazo e narcóticos.

As letras fálannos de morte, traizón, arranxos de contas, traficantes, amores, pistolas, drogas, familias, relatos dunha ría galega de Arousa hermanada co estado de Sinaloa (México).