Evento: Marc Seguí

Marc Seguí é un artista mallorquino que se caracteriza por letras sinxelas, tons melódicos, retrousos pegadizos e unha voz anxelical. Grazas a iso, o artista da a coñecer o seu particular imaxinario sentimental. Baixo unha estética colorista e vacilona, tras pouco máis dun ano sacando singles, en 2021 sacaba o seu primeiro traballo de estudo, “Thermo  Mix“, un EP composto por 5 temas. Un dos seus temas, “Tiroteo“, contou coa colaboración internacional de Rauw Alejandro…  hit que lle fixo soar no medio planeta, ata conseguir 5 discos de platino en apenas medio ano co que contribuíu a ser un dos 500 artistas máis escoitados do mundo. Marc é considerado como un dos principais embaixadores do Novo Pop ou do que hoxe en día se considera a Nova Onda, unha fusión do pop, o  indie, incluso unha reinterpretación da música urbana. Ninguén como el sabe transmitir a súa boa onda a través do seu particular flow, cargado de descaro, frescura e xenialidade.