Evento: Sheila Patricia Trío

Sheila Patricia é unha das novas voces de Galicia, cunha especial sensibilidade e unha potente presenza do empoderamento na súa música.

Filla dunha galega e dun arxentino, percibimos nas súas composicións trazos do folclore de ambos lugares.

A contínua preocupación polo seu, pola súa terra reflíctese no seu discurso artístico, recuperando o sentimento do canto popular, herdanza da súa avoa, unha das máis fortes referencias femininas de Sheila.

Simbiose é unha fusión do que representa a esencia da nosa artista.

Unha mestura dos loopers e experimentación máis electrónica, xunto coa firmeza da orixe, do folclore, das ancestras que inspiran a Sheila nas súas novas composicións así coma nas cancións tradicionáis que recolle no seu novo traballo.