Evento: Fito & Fitipaldis

Fito & Fitipaldis é un grupo de rock español fundado en 1998 por Adolfo Fito Cabrales. O vocalista bilbaíno, quen cultivou éxitos durante 12 anos coa súa anterior banda Platero e Ti, forma este novo grupo para dar renda solta a novas letras e sons máis intimistas e acústicos que reflicten a súa paixón por xéneros como o rockabilly, o rythm & blues, o swing, o jazz ou os sons sureños, sen deixar atrás as guitarras eléctricas e o rock & roll.

Desde o inicio de Fito & Fitipaldis hai máis de 20 anos non deixaron de cultivar éxitos con cada un dos seus álbums de estudo: La puerta cerrada (1998), Los sueños locos (2001), Lo más lejos a tu lado (2003), Por la boca vive el pez (2006), Antes de que cuente diez (2009) e Huyendo conmigo de mi (2014), Cada vez Cadáver (2021).F

Fito chegou repetidamente todo o máis alto das listas de éxitos en España con varias das súas cancións. Temas como Soldadito Marinero, Por la boca vive el pez, ou La Casa por el Tejado son xa clásicos do pop-rock español e todas elas soan aínda a día de hoxe nas principais emisoras de radio do país.

A banda de Fito Cabrales gañou multitude de premios e recoñecementos, tales como o Premio Ondas ao Mellor Artista Nacional, Mellor Artista Solista nos Premios 40 Principais e Mellor álbum de Rock e Mellor Canción nos Premios da Música. Ademais de ter varios Discos Platino, Diamante e Ouro. Tamén foron nomeados nos Grammy Latinos na categoría de Mellor Canción de Rock.

Agora Fito presentou 'Cada vez Cadáver', o seu sétimo álbum de estudo, un traballo composto por 10 cancións "cheas de sinceridade e matices", e anunciou a súa volta aos escenarios coa xira 'Cada vez Cadáver Tour'.