Evento: 84

Aínda que non sabemos o número exacto de concertos que deron ao longo destes dez anos, os tres membros de 84  percorreron a xeografía española cos seus tres discos ata que, este venres pasado, deron o seu último concerto antes de separarse na sala Joy Eslava. Non necesitan ser anunciados, efectos de luz ou entradas triunfais. Só con baixar os primeiros chanzos que conducen ao escenario, desátase o balbordo entre o público. Riseiros, colócanse cada un enfronte do seu micrófono. Non hai tempo que perder. As dúas últimas horas de 84 acaban de empezar.

As cancións de 84 son as típicas que xamais quererías oír cos teus pais diante. Jaime Fontecha, Ramón Vázquez e Enrique Berenguer son as tres voces e guitarras que están detrás, máis coñecidos polos seus nomes artísticos: Jimbo, Mon e Beris, que as fans berran felizmente. A súa música, nada artificiosa con reminiscencias de grupos de rock como The Eagles ou The Beatles, vén acompañada de letras deslenguadas e atrevidas que conseguen conectar co público. Porque as cancións de 84 non falan de cousas que adoitan pasarche na vida, falan de cousas que che gustaría que che sucedesen, en definitiva, letras que che gustaría inspirar.