Evento: Festas do Apostolo 2021: dani

dani -si, en minúsculas- é unha cantante e compositora nada en Vigo hai 22 anos no seo dunha familia moi musical (membros de Aerolineas Federais) Formada no conservatorio agora presenta Vinte, o seu aclamado álbum debut. As cancións de Vinte  son capaces de remitir ao mesmo tempo a Frank Ocean e a Charli   XCX, de converterse en melancólicos medios tempos con toques funk ou de soar rabiosamente contemporáneas. Independentemente da época ou a nacionalidade, a sensibilidade de dani  conecta coa melancolía pop bailable. Vinte non é máis que o primeiro paso dunha das máis prometedoras carreiras do pop español contemporáneo.