Evento: O Cid, a Lenda

Rodrigo é un perfecto candidato a heroe: Fillo dun nobre castelán, combina a educación na corte xunto ao seu mellor amigo Sancho e primoxénito do Rey, coas furtivas visitas á súa amada Gimena, a filla do Conde de Gormaz, quen con gran celo prohibe a súa relación. Aposto, novo, divertido e valente, un futuro resplandeciente preséntase ante el. Pero os tempos de felicidade non duran eternamente, e tras a morte do Rey Fernando, Rodrigo vese envolvido nun mundo de tramas e conspiracións que acabarán coa vida de Sancho e a consecuente coroación do infante Alfonso. De súpeto, Rodrigo perde todo aquilo que adquiriu sen esforzo, o seu mellor amigo e o amor da súa amada Gimena, sendo inxustamente desterrado de Castela e sen honra.

Afastado do seu fogar e en territorio hostil, Rodrígo e uns poucos homes, coa especial axuda do principe Ao-Mutamin, inician unha aventura chea de acción e paixón que xamais esquecerán, recuperando territorios e facendo fronte ao temible Ben Yussuff, acérrimo inimigo do flamante Rey Alfonso, e empeñado en conquistar toda a península. No seu esforzo por reclamar o perdón do seu Rey, e en busca de recuperar a súa posición e o amor de Gimena, Rodrigo descobre os profundos valores universais da amizade e a honra. "O Cid, a lenda" conta a historia dun mozo que se fixo home, dun home que se fixo heroe ata converterse en lenda, que perdura ata os nosos días, a lenda de Rodrígo Díaz de Vivar, mais coñecido como "O Cid".