Evento: Dehesa, o bosque do lince ibérico

Un bosque único no mundo onde descubriremos sensacións moi diversas. Aciñeiras, sobreiras e carbas dan lugar a un campo de batalla onde se retan os grandes herbívoros, onde cazan os elegantes e sigilosos linces ibéricos e as formidables aguias, onde as flores esconden depredadores con camuflaxes sorprendentes. Pero tamén pode ser un lugar amable que recibe cada ano a miles de viaxeiros de longa distancia, que teñen nestas paraxes os seus cuarteis de inverno. Buscan un clima máis cálido e o alimento máis prezado, o ouro da Dehesa, as landras. A moeda de cambio que estas árbores utilizan cos animais para preservar a súa existencia.