Evento: Itinerario de autor arredor da historia da cultura da Coruña

Biblioteca Pública da Coruña Miguel González Garcés organiza singulares paseos que serán explicados polo historiador da cultura Felipe-Senén. 1 Roteiro. A CIDADE VELLA: AS ORIXES DA CORUÑA NESTA CROA, “LOCUS AMOENUS”.

Obxectivo: sensibilizar sobre a Historia da Cultura Coruñesa.

Singulares paseos que serán explicados polo historiador da cultura Felipe-Senén, quen neste tipo de iniciativas interactúa cunha serie de aspectos arredor dos escenarios da historia da cultura. Percorrido por diferentes partes da Coruña de onte e de hoxe, adentrándose nas artes, no urbanismo, na arquitectura, na arqueoloxía, na etnografía, na literatura, nas artes, nas lendas, nos mitos ou mesmo nas anécdotas de carácter literario...Un xeito de enxergar o senso máis interactivo dunha cultura que presupón herdos, tradicións, innovacións e relacións con outros pobos: somos o que facemos ou desfacemos.

1 Roteiro. A CIDADE VELLA: AS ORIXES DA CORUÑA NESTA CROA, "LOCUS AMOENUS"

Comezo no Xardín de S. Carlos, recorrido por San Francisco, Dominicos, Bárbaras, o barrio de María Pita, dos Mareantes de Santa María do Campo...a Praza da Fariña, a Igrexa de Santiago, os pazos urbanos...os varadoiros do Parrote e as galerías: Cornide, Murguía e Rosalía, Francisca Herrera, Lugrís, Pucho Ortiz, González Garcés, serán, entre moitos outros, algúns nomes de creadores que atoparon nestes espacios o seu "locus amoenus".