Evento: Mitic + Black Stereo

O seu nome dio todo. Se os irmáns Álvaro e Suso Costas decidiron chamar MITIC á súa banda, composta por outros 13 músicos, é porque se dedican a reinterpretar temas míticos do rock. A diferenza con outros grupos de versións é que en MITIC a gaita leva a voz cantante e é o centro do seu espectáculo.

Todo empezou con Gonna Fly Now alá por 2008, cando aínda eran Álvaro Costas & Hot Band, un grupo de folk  moderno cuxo repertorio se cinguía á música celta. "Un día nun ensaio ocorréusenos tocar o tema principal de Rocky  e dixemos 'mañá abrimos con esta'. Fixémolo de broma, e que pasou? Que a xente se emocionou, gravouno cos móbiles e empezouno a compartir", conta o gaiteiro Álvaro Costas ao HuffPost. "A gaita deulle moitísima forza á canción".