Evento: Black Stones

Tanto Ren como Yasu xa tiñan o seu propio grupo (ambos tocaban cun grupillo punk chamado Brut), pero un día en casa de Nobuo entre os tres deciden formar un novo grupo. Nese momento aparece Nana, que vén devolverlle un Cd a Nobu, e Ren queda prendado dela e proponlle ser a cantante do grupo.

Aquí empeza o curta pero intensa carreira musical dos Black Stones (o nome vén da marca xaponesa de tabaco do mesmo nome, que é a que Yasu fuma, xa que nun momento de falta de inspiración a Nana parécelle gracioso propoñer este nome, aínda que nunca pensou que este sería o nome elixido ao final de todo, e ademais está o dobre xogo de unir o principio de cada palabra Bla- e St-, quedando Blast, que á súa vez significa refacho en inglés). Pero a banda non chega a máis que un par de concertos no seu pobo natal, e cando Trapnest, que naquel entón xa era un grupo moi coñecido, proponlle a Ren ocupar o posto de guitarrista este acepta, e márchase a Tokyo en busca da fama, deixando atrás Blast.

Nana decide, pois, buscarse a vida pola súa conta e dous anos despois vaise a Tokyo a probar sorte, pero Nobu séguea e pídelle que continúe en Blast. Yasu, batería e fundador da banda, incapaz de deixar sós a Nana e Nobu vaise tamén a Tokyo. Alí úneselles Shin, que pasa a ser o baixista.

Grazas á súa atractiva imaxe e ao seu carisma pronto empezan a dar pequenos concertos, e nun deles son fichados pola produtora Gaia. Con todo Black Stones é un proxecto moi arriscado para unha produtora que neses momentos está mal economicamente, e apenas apostan por eles.

Por sorte (ou desgraza) para eles, os paparazzi descobren a relación entre Ren e Nana, e tanto a pobre Nana como os demais membros da banda empezan a aparecer en televisión.

Gaia aproveita este repentino interese pola banda e decide gravar un disco, aproveitando o tirón. Pero Blast, sen disco aínda, chega a ser tan famosa como Trapnest, e empeza unha rivalidade entre eles, ata o punto de que ambos os grupos presentan o seu novo single o mesmo día. "Lucy", primeiro single de Blast, será o pistoletazo de saída para o grupo.