Evento: Noite Lírica na Rúa- Loli Crespo e Luis Santana

É unha das traxectorias máis extensas da música local e iso que, recoñece, chegou ?tarde?. Aínda que leva a música nas veas e desde o primeiro momento así o demostrou, non foi ata xa adulta cando puido empezar a formarse no Conservatorio de Vigo. O resto, é xa ben coñecido.

Carlos Núñez, Afasto Amoedo ou Fernando Raña son só algúns dos músicos cos que colaborou a carrilexa, que agora dá un salto cualitativo na súa carreira. Crespo, que xa conta no seu haber coa interpretación de seis zarzuelas, concertos coa Orquestra Nacional Portuguesa e diversas colaboracións co Coro da Capela da Catedral de Santiago ou o Orfeón Terranosa, entre outros, recoñece que o concerto de finais de mes é unha gran oportunidade.