Evento: Natalia Lacunza

Hai artistas con rollo e outros con rollazo. Aínda que estes últimos ven menos, Natalia Lacunza pode presumir de pertencer a este grupo. A cantante pamplonica, á que coñecemos grazas a Operación Triunfo 2018, demostrou en tan só un ano que a súa música ten identidade propia.

Natalia estreouse na industria ao grande, cun single precioso chamado Nana Triste xunto a Guitarricadelafuente. O tema converteuse en todo un éxito e a carreira de Lacunza comezou a despegar. Semanas despois lanzou o seu primeiro EP: outras ás. Cun estilo definido e unha boa produción, o álbum situouse entre os máis escoitados.

Xa pasou un ano daqueles acontecementos, pero Natalia segue brillando con luz propia. A moza lanzou a principios de marzo o seu segundo traballo: ep2. Fíxoo nada máis empezar a crise do coronavirus, tendo que aprazar todos os seus plans de promoción e a súa esperada xira. Por sorte, en tempos de adversidade, a creatividade segue florecendo e Natalia quixo facer algo para os seus fans: un curto EP con catro dos seus temas en acústico: en casa.