Evento: Rels B

Rels B é un dos artistas máis solicitados na escena urbana en España e Latinoamérica. Con só 26 anos, Rels B aka Skinny Flakk aka Flakk Daniel (Mallorca, 1993), conta con máis de 8 millóns de seguidores en redes sociais e plataformas de streaming e forma parte da nova xeración de ouro española que tanto está a dar que falar.

Os seus éxitos e os seus números en redes sociais e plataformas falan por si sós. Cun equipo pequeno e familiar, e desde a escena independente, logrou varias exitosas xiras en España e Latinoamérica, con sold outs en México (Pepsi Center), Arxentina (Grand Rex), España (Palacio Vistalegre), entre outros e aforos de máis de 8.000 persoas.

Cunha carreira chea de discos de platino e ouro certificados, o seu último disco ?Happy Birthday Flakko? debutou directamente no número 1 da lista AFYVE.