Evento: Yumi Ito + Jam Session

Yumi Ito é unha cantautora e intérprete de Jazz suíza con raíces polaco-xaponesas. Yumi terminou o seu Master en Jazz no Jazzcampus Basel e foi parte da primeira edición do Focus Year, liderado por Wolfgang Muthspiel onde coñeceu aos membros da súa banda, o baixista polaco Kuba Dworak e o batería galego Iago Fernández.

É unha das gañadoras do Concurso de Jazz de Montreux e traballou con musicos como Szymon Mika, Ziv Ravitz, Yaron Herman. Yumi colaborou en numerosos festivais en Polonia, Suíza, Brasil, Francia, Islandia e Xapón. Esta vocalista de 29 anos puxo o seu nome a 3 álbums, sendo o seu último traballo ata a data "Stardust Crystals" que será estreado coa súa Orquestra de 11 pezas escrita para o Schaffhauser Jazzfestival en maio deste ano.