Evento: Olivetti, a unidade na diversidade

A exposición Olivetti, a unidade na diversidade está composta de máquinas de escribir, carteis orixinais e outros curiosos elementos que na súa maior parte proceden da Colección Sirvent. A mostra rende homenaxe á empresa italiana que conseguiu fabricar máquinas de escribir durante case un século.

Entre as máquinas mostradas están a Lexicon 80 ou a Lettera 22 de Marcelo Nizzolli, a Praxis 48 de Ettore Sottsass e Hans von Klier, a Valentine do mesmo Sottssas e Perry King ou a Lexicon 83 DL de Mario Bellini. Tamén se inclúen unha importante parte de gráfica publicitaria que representou á compañía italiana durante os seus anos de historia. 

A mostra está comisariada pola deseñadora de tipografías María Ramos, que exhibe o seu traballo na exposición complementaria María Ramos. Tipografías.