Evento: Yo La Tengo

Yo La Tengo fundouse en  Hoboken (New Jersey) en 1984 pola parella Ira Kaplan (cantante e guitarrista) e Georgia Hubley (cantante e batería) aos que se unirían Dave Schramnn (guitarrista orixinal, de novo na formación desde 2015) e James McNew (baixista desde 1992).

A miúdo comparados con The Velvet Underground, a banda sempre tivo predilección polas versións. Gravaron temas de The Kinks, Bob Dylan, The Beach Boys, Fleetwood Mac ou The Cure. De feito en Stuff Like That There (2015), o seu último traballo ata a data, inclúen tanto versións doutros artistas como reinterpretacións semi-acústicas do seu propio catálogo.