Evento: Ad Heyra Liti

Ad Heyra Liti é o dúo formado por Aser (guitarra) e Erea (violín), dous profesores de música que axuntan, a través desta formación, imaxinación e creatividade, acadando como resultado pezas dunha gran beleza e sensibilidade.

Cun estilo que alguén definiu como "neoclassic / folk", e con influencias da música celta ou de melodías de Islandia ou Australia, fusionan a música tradicional coas influencias que reciben doutras músicas máis actuais, coa fin de rescatala, facela evolucionar e achegala a un público que podería estar menos afeito. Tamén interpretan versións de grande artistas e formacións recoñecidas, como Bela Fleck, The Chieftains, Kan, Django Reindhardt, The Bothy Band...