Evento: Ensemble Praeteritum
Ensemble Praeteritum
Ensemble Praeteritum é un conxunto instrumental creado polo violinista Pablo Suárez Calero en 2011.
Un dos seus principais obxectivos é a procura da novidade na maneira de afrontar a música, por medio de fortes contrastes dinámicos, improvisacións, e unha procura constante de cores no son. Interpreta as partituras creando unha beleza especial e persoal destinada puramente ao gozar do público.
En decembro de 2014, o grupo publica o seu primeiro traballo discográfico, titulado Las Cuatro Estaciones de Antonio Vivaldi versión 'senza fine'. Consiste nunha particular versión dos concertos para violín e orquestra do compositor italiano, na que cada estación e movemento están enlazados entre si con cadencias ao violín ou á tiorba, resultando unha obra sen interrupción.
