Evento: Concerto da Filarmónica de Cámara de Colonia

Xa sexa nos recónditos pobos australianos, os fiordos noruegueses ou a cidade cosmopolita de Berlín, a Filarmónica de Cámara de Colonia púxose como meta facer soar a música clásica en todo o mundo. A F.d.C. foi fundada no 2003 en Colonia, cidade famosa internacionalmente polo seu conservatorio e os seus profesores de música.
Grazas á especial individualidade dos solistas da orquestra, a Filarmónica de Cámara dálle a cada un dos seus músicos a posibilidade de presentarse como solista. A Filarmónica de Cámara ten como divisa que o seu repertorio se compoña das máis selectas obras. O especial atractivo do programa consiste na combinación de obras populares con outras menos coñecidas de diversas épocas musicais. Así actúan grandes mestres da música como Wolfgang Amadeus Mozart e Antonio Vivaldi en diálogo con obras desde Sergei Prokofieff até o rei do tango, Astor Piazolla. Esta mestura promete unha diversidade ao máis alto nivel. En todo iso o seu obxectivo principal consiste en entusiasmar e promover a música clásica por todo o mundo.