Evento: Animal Kingdom

Tras a morte da súa nai, Joshua J Cody ten que trasladarse á casa da súa avoa Janine, que vive en Melbourne cos seus tres fillos, Andrew, Darren e Craig, todos implicados en negocios ilegais. Inevitablemente, o rapaz verase envolto nos turbios asuntos dos seus tíos, sobre todo cando se produza un enfrontamento entre os seus familiares e as autoridades locais, situación que provocará unha serie de asasinatos a sangue frío.

Director: David Michôd
Intérpretes: James Frecheville, Guy Pierce, Joel Edgerton
Australia, 2010 / 112 min.
Non recomendada para menores de 16 anos.

Entrada libre e de balde. As películas proxectaranse en versión orixinal subtitulada en castelán.
No caso de que chova, as proxeccións terán lugar no auditorio do CGAC.
A Cantina do CGAC estará aberta durante as proxeccións con kits de cine (bebida, hamburguesas, flocos de millo, café...) para entrar en calor e gozar dunha auténtica sesión de cine de verán.