Evento: Ismael Serrano-La canción de nuestra vida

Ismael Serrano volve sorprendernos cun novo espectáculo cheo de poesía, no que convida ao público a gozar do privilexio de escoitar, ademais dos seus éxitos habituais, temas inéditos. Temas que, sen dúbida, se converterán en novos himnos para lembrar aquel tempo efervescente no que nos sentimos intensamente vivos e o futuro era noso.
Nesta xira ('La canción de nuestra vida'), Ismael Serrano renova o seu repertorio cun novo disco, que sairá en setembro de 2023. E farao ofrecendo ao público unha nova experiencia musical, fuxindo do recital convencional, afondando na aposta teatral que xa avanzou en anteriores xiras.