Evento: Atardecer no Gaiás 2023: Natalia Lacunza

O seu primeiro sinxelo Nana triste adiantou o que sería o seu primeiro EP Otras alas (2019) un traballo onde Natalia compón, xoga e arrisca con pop desgarrado e doce e un estilo alternativo que se converten entón en aceno de identidade.

Concertos, videoclips, unha carreira asentándose. Aumentan os fans. As súas cancións falan de temas universais, soan certeiros e outras xeracións tamén fan súas as súas letras e melodías. O fenómeno Lacunza crece mentres ela vive con humildade, escoitando o lirismo de James Bay, o ambiente de Ry X, ou a forza de Amy Winehouse e deixándose empapar por influencias de todo tipo.

Vive amores, desenganos, experiencias, lealdades e todo o integra no seu particular imaxinario artístico.