Xornadas de música contemporánea

Unha creación da compañía Pistacatro, que nesta representación conta coa colaboración da Banda Municipal de Música de Santiago de Compostela. 

Orquestra de malabares é un espectáculo que pon en escena a seis malabaristas e unha banda municipal, creando unha relación entre música e circo, un concerto onde os malabares son os bailaríns deste ballet aéreo. Clarinetes, saxos e trompetas son os pintores dun cadro expresionista no que as bolas, mazas e aros debuxan no aire os sentimentos e emocións que transmite a música e o circo.

O compositor Fernando Buide e o dramaturgo Fernando Epelde falan en Buscando a Clío, achegando linguaxes para una ópera contemporánea do camiño conxunto que están a percorrer de cara á estrea dunha ópera realizada entre ambos, que se está a desenvolver baixo o mecenado da bolsa Leonardo da Fundación BBVA e contará coa música da orquestra Real Filharmonía de Galicia.

Finisterrae son Bleuenn Le Friec e André Cebrián, que tocan arpa e frauta respectivamente. A agrupación nace en 2008 na Hochschule für Musik Detmold, en Alemaña, onde André e Bleuenn completan os seus estudos superiores. A súa formación musical lévaos a estudar nos conservatorios de Santiago de Compostela, Salamanca, San Sebastián, París e Frankfurt cos profesores máis prestixiosos do panorama musical actual.

Dentro da programación das Xornadas de música contemporánea, o luns día 25 lembrarase o 60 aniversario do nacemento en Vigo do compositor Enrique X. Macías, quen finou en 1995 aos 37 anos. En primeiro lugar haberá unha charla co título Macías e Portugal. Unha ollada próxima, na que participarán Manolo Romón, actor, presentador e escritor; Pedro Amaral, compositor e director de orquestra; Javier Macías, irmán de Enrique X. Macías; e como moderador, Paco Yáñez, crítico de mundoclásico. 

A obra de Valle-Inclán será dirixida por Quico Cadaval e contará coa música de José María López.

A obra estará interpretada polo Taller Atlántico Contemporáneo.

Espiritualidade con voz de muller é a proposta de Vox Stellae para as Xornadas de música contemporánea. A agrupación nace en 2003 con motivo dunha conferencia do musicólogo José López Calo sobre a música na Catedral de Santiago. Un dos seus sinais de identidade é a difusión da música galega, tanto a dos arquivos das catedrais como a creación contemporánea e a música popular. Ofrece concertos regularmente por toda a xeografía galega, participou en actos institucionais e interpretou o seu programa didáctico O rodaballo con botas ante máis de 2.000 escolares.

Afincado en Vigo, onde é profesor no Conservatorio Superior de Música, Nicasio Gradaille é pianista e membro fundador do Taller Atlántico Contemporáneo (TAC) de Santiago de Compostela. Doutor pola Universidade de Vigo cunha Tese sobre o Concert for Piano de John Cage, de quen gravou para a Radio Galega as súas Sonatas and Interludes, impartiu seminarios sobre a súa obra para piano en diversos conservatorios europeos.

Concerto conmemorativo para celebrar os aniversarios da Banda de Música de Santiago de Compostela (170 anos) e da Banda de Música da Coruña (70 anos).

O concerto estará dirixido por Juan José Ocón e Casiaño Mouriño Programa:

I

Ferrer Ferrán (1966)
The Great Spirit (El Gaudir del Geni)
Sinfonía núm. 3 (2005)
Gaudí - Sagrada Familia

II

Simón Couceiro (1973)
Aniversarios (2018)
James Barnes (1949)
Eight Symphony “for Wangen” op. 148 (2015)
Andante - Scherzo – Romanza - Final

Un concerto anovador, unha experiencia multisensorial suxestiva e íntima, unha viaxe cun piano silencioso... No silencio da noitiña, un piano de cola Yamaha equipado coa nova tecnoloxía Silent, audible a través de auriculares wifi, ofrecerá unha experiencia única para o público, que poderá percorrer libremente o espazo nun radio de 500 metros inmerso nun microcosmos auditivo. 

La Phármaco, unha das formacións máis prometedoras da danza contemporánea de España, coa coreógrafa e bailarina Luz Arcas á fronte, presenta en Galicia Kaspar Hauser. El huérfano de Europa, un espectáculo físico que dialoga coa historia para reflectir a nosa época, bailando, como a propia formación afirma, “a natureza poética e salvaxe do humano".

Luz Arcas: coreografía
Begoña Quiñones: interpretación
Carlos González: composición e interpretación musical
Jorge Colomer: iluminación
Heridadegato: deseño de vestiario
Ana Montes: escenografía