Este outono comeza no Gaiás xogando en familia a través da música do compositor húngaro Gyorgy Ligeti. As terceiras Xornadas de Música Contemporánea chegan un ano máis á Cidade da Cultura da man da formación de vento Zoar Ensemble e o piano de Nicasio Gradaille cun concerto pedagóxico no que poderán disfrutar grandes de pequenos.
A través de diferentes tecnicas experimentais trataranse diversos obxectivos para poder achegar a música aos máis pequenos. Partindo do tratamento da música contemporánea experimental, os nenos non só coñecerán a música contemporánea de primeira man, senón tamén o funcionamento dunha orquestra e os instrumentos que a compoñen. O material musical constará, por unha parte, de obras xa preparadas previamente nas que o público participará de forma activa na súa interpretación.
CactusWorkestra é unha creación plástico-sonora. Oír partindo dunha instrumentación de 20 cactos preparados e sonorizados (out of tune), en diversas constelacións, e con 20 participantes (nen@s ou moz@s). CactusWorkestra é unha experiencia baseada na performance e na acción directa: cada participante busca a mellor unión sonora e visual e axusta novos tons e sons.
A música do compositor húngaro György Ligeti,de aparente complexidade, baséase en piares moi sinxelos e familiares tanto para amantes da música como para descoñecedores. Algo tan primitivo como o ritmo, a repetición, a música popular ou unhas matemáticas moi sinxelas aparecen na súa música. Ademais coñeceremos como Ligeti descubriu e xogou coa música electrónica para crear paisaxes case extraterrestres. Con todos estes conceptos xogaremos neste concerto en familia.
Gratuíto previa retirada de entrada
Coa Odisea de Xurxo, a artista Ana de Alvear creou unha proposta interdisciplinar e educativa cuxo obxectivo é o de introducir a nenos e adultos na creación contemporánea, axudándolles a descubrir a capacidade que ten a música para xerar diferentes escenarios, sensacións e emocións. O Trío Arbós
será o vehículo que conduza a Xurxo a través dos once episodios con música creada especificamente para a ocasión por once compositores, completando un periplo de singulares características.
Programación didáctica, infantil,xuvenil e familiar.
A obras de clásicos modernos que se sentiron fascinados polas posibilidades expresivas deste xénero, como Schoenberg e Britten, únense dúas obras de carácter “performático” do compositor norteamericano Tom Johnson e a misteriosa composición Dolce tormento na que Kaija Saariaho se inspira nun texto da Divina Comedia de Dante.
Gratuíto previa retirada de entrada
As conexións entre os mundos musical e pictórico faranse visibles e audibles en Visións do Greco a través de novas obras de catro compositores españois que ofrecerán a súa persoal mirada á obra e á persoa de Doménikos Theotokópoulos cando se cumpre o cuarto centenario da súa morte.
O contraste a esta nova proposta do versátil e innovador conxunto galego Vertixe Sonora Ensemble xurdirá da tiorba de Fernando Reyes, que nos trasladará á época do Greco a través da música do seu contemporáneo Giovanni G. Kapsberger.
Gratuíto previa retirada de entrada
O pianista cubano afincado en Galicia, Alejandro Vargas, estrea a súa última creación. AMa AZa LaNdo é un fulgor de figuracións representativas de paisaxes sonoras onde se recrean ambientes do minimalismo, o orientalismo, a improvisación libre e o jazz. É un traballo de alumeamentos sonoros onde
a participación instrumental adquire un valor orquestral a través de distintas posturas, étnicas, folclóricas,populares, conceptuais, políticas... é unha reflexión da técnica pianística na amplificación de rexistros posibles cara á fantasía libre comprometida.
Sobresaínte variedade estilística encerra o ambicioso programa con tres sonatas para violín e piano que propoñen dúas talentosas figuras emerxentes do panorama musical actual, a madrileña Leticia Moreno e o francés Bertrand Chamayou. O ilerdense Enrique Granados abre un concerto no
que se poderán escoitar sonatas de xenios tan significativos como Richard Strauss ou o polaco Krzysztof Penderecki e unha nova estrea do novo compositor malagueño Oliver Rappoport.
Moitos son os compositores actuais que dirixen a súa atención cara as bandas de música ou, coa denominación que se está estendendo, wind band. Cada vez é máis frecuente atopar programas de concerto de bandas cuxos compositores están en activo, vivos ou de plena actualidade compositiva.
Neste programa, a Banda Municipal de Música de Santiago ofrece unha selección de compositores dos séculos XX e XXI; o máis coñecido Paul Hindemith, quen coa súa Sinfonía en Si bemol para banda de música, colocou en 1950 unha pedra angular e un cambio de rumbo para estas orquestras de ventos.
