A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Pankdemia é a nova proposta da compañía Peter Punk Pallaso, un espectáculo que nace durante a corentena vivida nos últimos meses. Unha visión particar dos novos tempos que nos toca vivir da man de Peter Punk Pallaso. Novas rutinas,EPIs, equilibrios, e moitas risas.
Un novo espectáculo xa que xa está en desescalada... Próximamente nas rúas!
Elenco artístico: Dario Escudero, Miguel Aparicio e Pablo
Compañía de espectáculos de orixe galega, con multitude de reprentacións propios tanto de animación de rua, como temáticos, circenses, etc...
Compañia cunha ampla traxectoria tanto na comunidade como fóra dela.
SET é unha peza multidisciplinar onde a danza contemporánea e a música en directo xogan un espazo compartido. Novos comportamentos e cinética social onde a protección é invisible como mediador da distancia social.
A través da tecnoloxia e os límites sociais SET propón un xogo interactivo sen contacto
Elenco: Paula Quintas e Nacho Múñoz
Espectáculo de rúa onde a interacción co púlico é continua e permanente. Todo está preparado para a interpretación dun "gran musical" levado a cabo por Pedro Brandariz, pero comezan a suceder unha serie de feitos inesperados que levarán a "gran cita" ao traste.
Durante a función aparecen diferentes personaxes que provocan unha chea de situacións cómicas e irientes
Esta é a historia dun gato tan simple, tan simple, que non sabe ler nin escribir. E por suposto ignora que cousa é un rato. Acontece que ao noso amigo so lle interesa comer e durmir, durmir e comer. É tan simple, que o rato faise dono da cociña e está a piques de deixalo sen teito.
Elenco: Lázaro Duyos
Elenco: Tone Martínez e Alba Bermúdez
Muiñada conta a historia de Sabela e Xacobe, que, por un malentendido coa quenda, se atopan nun muíño de auga. Ao ver que os dous non poden moer ao mesmo tempo, comezan unha discusión na que o xogo, as lendas, a tradición e a música farán que os cativos e os que non o son tanto se acheguen a un edificio que foi fundamental para a Galicia: o muíño de auga.
A Banda das Apertas, composta por Magín Blanco, María Faltri, Jorge Juncal e Jerry Noia teñen un longo percorrido acompañando a A nena e o grilo nas súas propostas escénicas, e chegou o momento de voar sos.
Nesta nova produción as músicas do creador Magín Blanco conviven con outras coñecidas cancións que o público familiar recoñece e valora da historia da música contemporáneas, e que permitirán gozar en familia dun concerto, no que o público é parte do elenco: coreando, acompañando e sobre todo disfrutando con esta Banda das Apertas.
O humor e o absurdo son os fíos cos que se forma a trama dun espectáculo de dous atletas, dous cómplices que se compenetran realizando trucos imposibles diante do público. Risco, desastre, sorpresa e surrealismo son palabras que poden aparecer en calquera momento, mais estes dous artistas saben saír co seu talento de calquera situación adversa.
Coa presenza constante da técnica en forma de portés, acrobacias aéreas, malabares imposibles e lume. Sempre en formato de clown, agochados baixo a aparencia de superacróbatas, de grandes magos ou de malabaristas matematicamente perfectos.
COSTURAS é o novo traballo de GUADI GALEGO
Tralo multipremiado IMMERSION no que Guadi reinterpretaba moitos dos seus temas máis coñecidos con novo son, novos arranxos e nas 7 linguas da península nun exercicio de posta en valor desta diversidade lingüística e cultural que atesouramos e que tan únicas nos fai.
COSTURAS chega para reafirmar o novo son de GUADI GALEGO cun disco que trae dez novas cancións, coa sensibilidade e autenticidade dunha das principais artistas galegas dos ultimos 20 anos.
Humor, emoción, imaxinación e memoria nun espectáculo de narración oral, un monólogo cómico no que se enfían historias, contos e lerias para todos os públicos.
