A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Un repaso en formato acústico, dos temas do seu último disco Unha Viaxe Perfecta, no que engloba os puntos cardinales do amor, a felicidade e o desamor.
Con él percorreu salas de renome de todo o país como Liberdade 8, Buho Real, Fulanita de tal, Contraclub en Madrid, Salga Bikini, Sala Fizz, L 'Oncle Jack, en Barcelona. Festivais como Santiautor, Caudalfest, Muzzicafest...
Un espectáculo de títeres de guante divertido, pícaro e tenro para exhibir en sala, rúa ou espazos atípicos que realiza un percorrido por aqueles conceptos que nos permiten reflexionar acerca da igualdade entre mulleres e homes nos distintos ámbitos, con especial énfase na reincorporación profesional da muller despois de ser mai e a corresponsabilidade do home como pai nos coidados do novo menbro da familia, bebé.
Moitos chistes cos que hoxe rimos son unha adaptación de contos vellos. De curas, ricos, políticos, ... que hoxe mudaron as formas pero non os contidos nin o fondo: Rir. Nomeadamente de quen manda.
É algo así como se dixeramos “se non podes desobedecer, cando menos ri del”
Neste novo espectáculo Sergio Pazos bótalle humor á pandemia e introduce unha necesaria vis cómica á actualidade e á situación na que vivimos. Un xeito de ver a realidade do xeito máis optimista posible.
O comediante completa a súa visión da Covid recuperando varios dos seus mellores sketches dos últimos anos para conformar uun espectáculo descaradamente divertido e variado.
Elenco: Alma Cendán e Loreto Pérez
A narración oral, na que a música está moi presente, acompáñase de rimas, cantos e soportes visuais para que os nenos participen da maxia dos contos. Os contos son orixinas, escritos por Loreto Pérez e ilustrados por Alma Cendán.
O grupo Musicreques naceu para fomentar a cultura musical, promover a música clásica entre os más pequenos e achegar a música aos centros educativos.
Elenco: Luís Iglesia e Marcos Orsi
Despois do éxito da anterior montaxe, Sénior (2018), Culturactiva Producións volve convocar a Luis Iglesia e Marcos Orsi neste espectáculo cómico escrito por Jose Prieto.
Conexión Pingüín é unha comedia que quere falar da incomunicación entre os seres humanos. Este mal fai estragos todo os días e a todas horas, na casa, coa familia, no tráfico, no traballo... Estamos na súper era tecnolóxica, da conexión inmediata, da telecomunicación, mais nunca estivemos tan lonxe entre as persoas.
Neste contacontos musicado, Xoán Curiel narra a súa propia experiencia naquel verán no que decidiu montar a súa propia banda de música "A banda do verán".
Os rapaces e rapazas asistentes participan activamente sendo invitados a, tamén eles, imaxinar que poden montar a súa propia banda, compoñer e crear as súas propias cancións. Un espectáculo moi participativo onde se mesturan a palabra contada e as cancións con elementos teatrais e de clown.
Esta proposta ten participado nestes últimos anos en diferentes programas de normalización lingüística por toda a nosa xeografía.
Sinopse: O zapateiro real recibe todos os días calzado das persoas máis importantes do Reino. Un día chega as súas mans un pequeno zapato de cristal, o fermoso zapato da Cincenta; un zapato que agocha unha fantástica historia.
A partir do clásico dos irmáns Grimm, Danthea teatro presenta unha comedia para toda a familia que mestura o teatro de actor e o de obxectos.
Fran Amil fala e canta cos monstros que habitan no disco Monstros, con ou sen consentimento, editado no ano 2018.
Moitísima diversión a través de música lixeira e cantareira que axita os pes e os corpos dos cativos, e sorprenden a máis dun pai e dunha nai chimpando. Unha música contaxiosa e festiva que fai desfrutar do presente e presenta unha ledicia compartible.
Fran Amil instrumentaliza este concerto con voz e guitarra acústica en directo e con bases pregravadas. Un espectáculo axeitado para espazos pequenos.
Diversión garantizada!
Charlie é un personaxe extrovertido e moi especial. Leu tanto xa na súa vida, e sabe xa tanto de todo, que precisa inventarse palabras novas tódolos días para entreterse buscándolles un significado. O seu maior soño na vida é confeccionar un diccionarioúnico no mundo feito con palabras inventadas. Pero para darlle un significado a cada unha delas, e seguir creando máis e máis palabras, precisa da axuda dos máis pequenos e a súa fantasía.
