A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Aba é unha pirata que pasa toooodo o ano viaxando no seu barco pirata. So queda en terra firme unha vez ao ano para contar as aventuras terroríficas cheas de monstros e pantasmas que lle pasan nesas viaxes.
Estades preparados/as para vivir con ela esas aventuras?
Fran Rei presenta un novo espectáculo unipersoal que mestura narración oral, humor e maxia: O Conto de Barriga Verde.
Escrito por Avelino González, a partir de tres obras de Manuel María (Barriga Verde, Os Soños na Gaiola e Aventuras e Desventuras dunha Espiña de toxo chamada Berenguela), O Conto de Barriga Verde pretende ser un achegamento á poesía, prosa e teatro do autor lucense a quen se lle adicou o Día das Letras 2016.
De compañías como EMEMAISUN, Odaiko percusión ,Mago Noel, Johana Aereos... sale a sinerxia desta Gala que non ten outro propósito que xuntar enerxías de diferentes modalidades é facer del un SHOW "ESPECTACULAR" . Humor, xestualidade, música en directo, acrobácias, máxia e moito síntoma de CIRCO renovado faránse eco nesta "festa do CIRCO"
En noites de lúa nova, a cidade tórnase escura…, orcos, trolls e alimañas…, seres saídos da máis profunda escuridade dos tempos, envolvéndonos no seu delirio e facéndonos partícipes da súa tolemia, nos llevan a unha peregrinación eterna transportando no seu carro a maior das súas demencias: O ORLOK
A familia sae facer a compra, iso si, con moita marcha!, sempre bailando e de bo humor, contaxiando ás persoas que se atopen desta alegría!.
Ao levar microfonía inalámbrica, hai posibilidade de ir anunciando a labor que se lles encomende.
No ano 2020 Latexo lanza o seu primeiro espectáculo de rúa, no que aposta por un show de batucada cun carácter moi persoal e marcado polas súas influencias, cuns arranxos musicais de creación propia moi coidados, nunha clara aposta por fusionar o movemento e a percusión afrobrasileira con elementos visuais como a luz interior dos seus tambores, ofrecendo así unha proposta de percusión de rúa diferente e de calidade.
Espectáculo de contacontos, con monicreques, maxia, animación e sorpresas.
Enfocado no mundo dos libros, a súa maxia.
É unha proposta moi divertida, amena, participativa e educativa.
Patricia González e Alejandro Balbuena forman Acordeireta. Despois dunha longa traxectoria individual, deciden xuntar o acordeón e a pandeireta para divertirse, para seguir alimentando as súas almas, polo gusto de transmitir un sentimento arraigado ás nosas raíces, por reivindicar temas sociais dos nosos tempos, por homenaxear con música a persoas queridas e admiradas e sobre todo, para dignificar a nosa lingua, a cultura galega e compartilo con vós.
Concerto de música.
The Lákazans volve para quedarse. Dous anos tardaron en entrar de novo ao estudio para plasmar o que será o seu terceiro traballo discográfico que non fai mais que consolidar o seu talento compositivo.
“Sandwina”, inspirado na muller mais forte do mundo, amplian o seu rexistro a novos xéneros da música america, mais aló do seu blues característico. Deste xeito, podemos atopar nel desde o country ata o mais sentimental rockabillly.
