A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Bromas sen fin, participación do público e humor, moito humor, son as chaves desta adaptación circense do clásico conto O frautista de Hamelín, no que descrubriremos o que aconteceu en realidade. A través do clown, os malabares, o xogo e a participación do público contaranos unha persoa presente alí mesmo como a aldea de Hamelín foi tomada por unha praga de raros seres que molestan e fan imposible a vida dos seus habitantes.
A tola academia de maxia de Charly Braun é un show moi tolo con Charly reclutando novos alumnos e alumnas para a maior e máis tola academia de maxia do mundo.
Unha proposta moi dinámica onde o público de calquera idade poderá participar e rir con el.
O espectáculo A maxia dos libros é unha representación única onde Nami e O Mago da Boina dan vida a diversos fragmentos dos libros das Crónicas do Mago Errante. Esta experiencia cómica está deseñada tanto para adultos como para nenos, fusionando a maxia cos beneficios da lectura. Unha viaxe fascinante que encantará a toda a familia.
Elenco artístico:
Daniel Ares Blanco (O Mago da Boina)
Nami Ares Van Puyevelde
Gran espectáculo de maxia.
Atención donas e cabaleiros chega a súa vila a libraría máxica. Nela, dous simpáticos libreiros interpretados por Bea Campos e Marcos Alonso, ofreceranlle o libro perfecto, xa que teñen a capacidade de atopar o conto necesario para cada persoa e ocasión! A libraría máxica é o un espectáculo de Inventi Teatro para toda a familia. Unha divertida peza teatral que rinde homenaxe ao pequeno comercio, as tendas de barrio, e que achega aos nenos e nenas o amor pola literatura e a lingua galega.
FICHA ARTÍSTICA
Un espectáculo de pura acción, onde se combinan de forma maxistral as acrobacias e as tan difíciles técnicas de aéreos. Emocionantes números onde se mesturan as diferentes técnicas de aéreos como son o mastro, as teas e o aro, todo iso combinado coa paixón e a arte que demostran os artistas, aderezado por unha bonita historia.
A Maxia do Mago Rafa é recoñecida nos seus máis de vintecinco anos de traxectoria artística pola súa maxia orixinal e o seu humor desenfadado, que se afasta da maxia máis convencional. En todos os seus espectáculos hai varios denominadores en común; humor, tenrura, unha excelente técnica interpretativa, unha fantástica selección musical, unha escenografía moderna e espectacular e maxia moi orixinal e impactante que comunica a través do absurdo e do cotián.
Moitos definen os seus espectáculos como "A Maxia diferente, a próxima e a de verdade".
Martín, o neno protagonista, é coñecido por ser un burro. É a etiqueta que lle puxeron dende ben pequeno. Tanto o repetiron, que acabou por crelo. No colexio, os seus compañeiros non deixan de mofarse de él, a súa profe sempre lle está a rifar e nas clases abúrrese moitísimo... Pero un día atopará un lápis máxico que cambiará a súa vida para sempre.
Un conto onde aprendemos o valor da confianza nun mesmo. Nun mundo onde, con esforzo e ilusión, podemos lograr todo o que nos propoñamos.
FICHA ARTÍSTICA
Autoría e dirección: Miguel Strada
Os Jalochos cantan, bailan e contan a historia de Landra e a súa viaxe por Galicia, acompañada do seu amigo Lambón.
Sobre o escenario ou no seu mítico carro amplificado remolcado por un motocultor, os Festicultores convirten cada festival ou verbena pola que pasan na maior pista de baile do mundo.
