Cultura no Camiño

O público achégase o mundo dos automatismos a través de visitas guiadas teatralizadas de nove pezas artesás, desfrutando da escena e historia que os seus creadores narran ao carón de cada elemento da serie que conforma KINETIKO.

Unha combinación de xogo, arte e técnica.

Personaxes musicais que a partires de mecanismos crean sons e ritmos. Historias e contos que nacen do movemento dunha manivela. Efectos especiais utilizados tradicionalmente na escena teatral ou no cine. Un teatriño de guiñol automatizado homenaxeando ao tradicional títere de cachiporra.

O peculiar universo desta muller-nena que anda solta polas rúas, fai de cada praza un novo xogo cada día. Xunto con todo o que a rodea, sucéndese momentos de risas inesquecibles a través da súa interacción co público e cos transeúntes que paran a ver as tolerías que lles ofrece esta gran pallasa.

Pajarito é a número un, a número dous e tamén ... é patrimonio da humanidade, a oitava marabilla do mundo!!!!!

O seu amplo e variado repertorio está composto por versións de diferentes épocas e estilos como son o pop español, rumba, latino, folk, irlandés, música galega, versións de música disco dos 80 con violín, etc.

Temas de Los Rodríguez, grupos galegos, Heredeiros, Caimán, Os Vacalouras, Loquillo, Joaquín Sabina, McLan, Melendi, Secretos, Fito y Fitipaldis, Estopa, Revolver, e un amplo etc., conforman un repertorio para todos os públicos de temas dos 80, 90 e actuais para todas as idades.

Maricarme é o resultado de xuntar tres recoñecidas caras do panorama musical galego: Antía Ameixeiras (Caamaño&Ameixeiras), Cibrán Seixo (Davide Salvado, Budiño) e Migui Carballido (Zeltia Irevire). Os instrumentos acústicos (violíns, pandeiros, bouzouki...) únense á sonoridades máis electrónicas (sintetizador de baixo, pads, pedais...) creando un folk orixinal e poderoso. Maricarme viaxa dende a tradición oral ás composicións propias e presenta un concerto dinámico no que prometen facervos bailar.

Espectáculo de danza-circo 360º de medio formato, onde dous personaxes crean mundos de fantasía.

 Xogo e imaxinación, acrobacia aérea e voz cantada en directo, son os ingredientes dun espectáculo onde a maxia xorde do uso creativo dos elementos e a destreza comunicativa das interpretes co espectador.

Travesía unicornio é unha adaptación ao teatro do libro homónimo de María Canosa gañador da primeira edición do Premio Anisia Miranda de teatro infantil e publicado por edicións Embora en marzo de 2023.

LEVAINO! exhórtanos a facer unha viaxe pouco coñecida que parte do Mediterráneo Oriental e remata en Galicia, presentado os vínculos que unen ambas tradicións orais.
Xurxo Fernandes, investigador de ambas culturas e a través dunha sonoridade sorprendente, mergúllanos nunha paisaxe sonora que envolve os arcaicos sons da Galicia máis primitiva co máis suxerente exotismo oriental.

O grupo A Quenlla créase no ano de 1984 por dous membros fundadores e escindidos do grupo Fuxan os ventos que deixaran no ano 82. Ao longo da súa traxectoria de concertos e gravacións, con distintas formacións evolutivas, contan con traballos e proxectos levados a cabo para a dinamización da cultura tradicional e de autor dentro dos vieiros da nosa música. Ao longo dos anos foron moitos os concertos, charlas didácticas e encontros levados adiante por un grupo de mulleres e homes que tiñan a teima da concienciación social na honra e orgullos do Noso.

Neste monólogo teatral e musical Olga Abad encarna a Bella de Pizza unha gran diva da canción popular italiana, amiga de Raffaella Carrá e Sabrina Salerno que chega a terras galegas  para contarnos e cantarnos as suas grandes aventuras e desventuras, os  seus amores e desamores, porque Bella de Pizza ten moito que contar. 

Gin Tonis é unha banda divertida, apaixonada e elegante que cada noite consegue unha increible conexión co público dos seus concertos. 

Nesta xira farannos viaxar unha vez máis polas versións dos mellores temas do Pop Rock español, desde os 80 ata a actualidade (Os Segredos, Loquillo, Seguridade Social, Jarabe de Palo, Hombres G...)

Cun directo fresco, un repertorio repleto de conocidísimas cancións e unha elegante posta en escena, transportaranche ás Décadas da música Española e poñeranlle unha cor diferente á túa festa facendo o mellor Tributo ao Pop Rock do noso país.