A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Número de maxia que abarca o escapismo, a cartomaxia, aparicións, transformacións, aparicións de coello, maxia con lume, levitacións, mentalismo.... Unha proposta moi variada e divertida con toques de humor e na que interacciona o público.
Un simulacro de atleta polipatético verase involucrado en moitos problemas para lograr a ansiada medalla olímpica. A cerimonia de apertura finaliza sendo un desastre, tenta conseguir o éxito nos deportes máis conocidose e o único que logra é o fracaso máis absoluto.
Logrará conseguir a ansiada medalla?
Clown, mimo, pantomima e slapstick mestúranse neste tolo espectáculo no que o seu protagonista sae dun problema para entrar noutro e para finalizar coa vitoria máis ridícula xamais vista na historia.
Espectáculo que inclúe manipulación de obxectos e participación do público da man de Iván Davila.
Divídese en tres historias baseadas en feitos reais, protagonizadas por animais: un porquiño pintor, un corvo músico e a tartaruga máis vella do mundo.
Ándale, Bon appêtit! é unha reposición da exitosa obra de teatro Ghazafelhos ‘Bon Appêtit’. Nesta ocasión, os nosos queridos chefs Felipe, Antonio e Francisco prepararán deliciosos pratos mexicanos facendo un pequeno repaso pola historia do país. Tamales, enchiladas, tacos... unha chea de receitas aderezados co humor dos Ghazafelhos e acompañadas coa aparición de personaxes como Pancho Villa ou Frida Kahlo. Coma sempre, a participación do publico será imprescindible.
Abracadaver é un espectáculo de circo terrorificamente divertido. Unha terapia de choque para partirse de risa e desfacerse dos medos, unha oportunidade para vivir a experiencia do teatro en familia. En definitiva, un divertidísimo show de rúa para todos os públicos. A través de Rogelio, un entrañable personaxe de ficción ao que lle dá vida o actor Dani Blanco, AsSircópatas preséntannos esta delirante proposta chea de sustos e bo humor. Clown, malabares, escapismo, rulo, acordeón, serrucho... todo á disposición dun actor preparado para levar a cabo o seu Abracadaver.
O mago Antón emprendeu no 2018 unha nova aventura no magomobil coa idea de achegar a maxia a todos os concellos de Galicia.
O magomobil é un vehiculo deseñado para a presentación de espectáculos de maxia para un máximo de 70 espectadores por función. Un espéctaculo de 45 minutos para todo tipo de público de todas as idades e moi axeitado para grupos familiares: netos, pais avós... no que se suceden a un ritmo trepidante unha ducia de xogos de maxia, todos eles de creación propia do Mago Antón.
Este espectáculo de clown e escapismo para todos os públicos achéganos ao peculiar universo desta muller-nena que anda solta polas rúas e fai de cada ocasión e espazo un novo motivo e lugar para o xogo. Pajarito interactúa co público e cos transeúntes que paran a ver as tolerías que lles ofrece esta gran pallasa.
Pajarito é a número un, e a número dous tamén.... é patrimonio da humanidade, a oitava marabilla do mundo!!!
En 1927, Ramón Otero Pedrayo e Vicente Risco, emprenderon unha peregrinación de Ourense a Santo André de Teixido (Cedeira). Desa viaxe polos antigos camiños do país naceu o libro Pelerinaxes I, con textos de Ramón Otero Pedrayo e ilustracións de Vicente Risco.
A Organeta é un divertido e bonito órgano de Barbaria dos anos 60 que toca música de todo o mundo: swing, forró, rock, folk... con percusión autómata e
motorizado, restaurado por Pulpiño Viascón. Un carriño musical con máquina de pompas e luces led cheo de instrumentos máxicos, serrucho musical, trikitixa, etc. Por onde pasa leva a ledicia e fai sorrir ao público presente, nunha experiencia inesquecíbel.
Bromas sen fin, participación do público e humor, moito humor, son as chaves desta adaptación circense do clásico conto O frautista de Hamelín, no que descrubriremos o que aconteceu en realidade. A través do clown, os malabares, o xogo e a participación do público contaranos unha persoa presente alí mesmo como a aldea de Hamelín foi tomada por unha praga de raros seres que molestan e fan imposible a vida dos seus habitantes.
