Technologies é o novo monólogo cómico de Pedro Brandariz, no que se confesa como un “rara avis” neste mundo tecnolóxico. Dende un punto de vista totalmente humorístico Brandariz fala de cómo lle costa un mundo adaptarse ás novas tecnoloxías e o “rápido” que se cambian por outras.
Liberto foi o espectáculo revelación nos Premios de Teatro María Casares cando logrou acadar o maior número de finalistas na última edición (mellor espectáculo, dirección, actriz protagonista, actriz secundaria, música orixinal, adaptación e iluminación). Contra todo pronóstico, esta peza que apenas lograra xirar converteuse nun dos espectáculos de referencia da tempada.
Tras cumprir condena por ter provocado un incendio, Amador é posto en liberdade. Ao saír do cárcere, ninguén o agarda. Nunha aldea perdida das montañas lucenses, volverá convivir coa súa nai Benedicta, a súa cadela Luna e as súas tres vacas. As súas vidas transcorren ao ritmo sosegado da natureza. Pero todo cambia cando un lume violento arrasa a zona.
Esta peza de Diego Freire é un espectáculo cómico-musical, un cabaré absurdo protagonizado por un personaxe desubicado, disfuncional e un pouco esquizofrénico, que devece por escapar dun mundo que non comprende e no que non é comprendido, a un lugar moi lonxano no que todo será diferente. Existirá tal paraíso?
O punto de partida da nova creación de La Macana en colaboración con Samir Akika é un reto, o reto de pór en escena a un pai co seu fllo adolescente. O primeiro, un galego de orixe cubana que na súa ampla experiencia como bailarín nunca tivo que enfrontarse a un maior desafío que bailar cun compañeiro máis cercano. Pola outra banda, un espléndido, atlético e creativo rapaz de catorce anos, cheo de enerxía e de ganas de confrontar a súa perspectiva “millennial” co seu querido pai.
A peza é o manifesto, o manual e o pacto de Voadoracoa experiencia escénica desde o brillo de todos os seus elementos: O movemento, a música e as imaxes.
Un compromiso co teatro que se sinte, máis que co que se pensa, para o que precisan de todos os vatios, todo o talento e toda a imaxinación do mundo.
Voadora quere firmar co aquí e o agora, co inesquecíbel e con todas esas cousas que o espectador non pode atopar en ningún sitio máis que nunha sala de teatro.
A poesía e a miseria únense nesta obra que reflicte a Italia da Posguerra. Todo comeza cando unha rapariga inxenua e tranquila é vendida pola súa nai a un forzudo de circo, bravucón e violento para que lle axude no seu espectáculo ambulante.
No camiño xorde entre eles, nace, un indicio de amor, que non consegue aflorar a causa do orgullo del e a timidez dela. Ambos comparten unha profunda soidade e unha vida de marxinación, desarraigamento e miseria, ata que se atopan co Tolo, outro artista de circo que provocará os celos de Zampanó e un tráxico desenlace.
A señora Amelia, unha severa profesora de canto, recibe na súa casa a Ramón, un home novo que desexa mellorar a súa técnica vocal para cantar no memorial da súa nai falecida recentemente. A canción elixida, La golondrina, ten un significado especial para el e, ao parecer, tamén para Amelia, quen a pesar das súas reticencias iniciais accede a darlle unha primeira clase. A medida que a tarde avanza, os dous personaxes van debullando detalles do seu pasado, profundamente marcado por un atentado terrorista de signo islamita que sufriu a cidade o ano anterior.
Recital dunha das principais voces de hoxe, a soprano Sondra Radvanovsky, na que ademais será a súa primeira actuación en Galicia.
Concibido tamén como un tributo á gran Montserrat Caballé, con seleccións do máis puro belcanto ata chegar a Verdi, Radvanovsky estará acompañada nesta ocasión polo pianista Anthony Manoli.
A anécdota é cinematográfica: Unha muller e un home coñécense nunha previsíbel festa de fin de ano e comezan unha relación ilícita: os dous están casados con outras persoas. Un caso de adulterio entre persoas da clase alta. A rutina dos amantes consiste en cinema de barrio e motel barato, moi lonxe do seu ambiente. É unha aventura imaxinaria nun motel co ar condicionado avariado. Entre a fantasía do cinema e as obrigas conxugais desenvónlvese este drama escaldante.
