Teatro

Liberto conta a historia en primeira persoa de Ada, unha muller nova que envorcou nun texto teatral a experiencia máis determinante da súa vida. O nacemento do seu segundo fillo trouxo unha viaxe ata as profundidades da súa natureza. Durante o parto o neno quedou uns intres sen osíxeno. A vida de Ada dende ese momento fai equilibrios entre a esperanza e o medo. Querer o mellor para Liberto, querer que sexa libre. Como comprender que a propia morte é parte da vida e asistir ao espectáculo de como a súa presenza desata os mecanismos vitais precisos para amarrarnos á vida.

Exire é unha compañía de Danza Urbana e Contemporánea con sede na Coruña. Ten máis de 10 anos de experiencia en Artes Escénicas, percorrendo Galicia desde 2006. Está formada polas creadoras Estefanía Gómez e Alba Fernández.

Actualmente contan con varios shows en vivo: NEXOS - Premio Mellor Coreografía no XVIII Festival DZM - Cáceres, ON - Premio Sólodos en Danza Ourense 2017 e Premio do Público e MEDULA (Coprodución con CCG -Agadic e Artestudio Xestión)

O evento comezará con número titulado “Os 33 reiseñores da Porqueira,” que é o prólogo ideal para calquera sesión teatral e unha das propostas máis sutís e celebradas do dueto. Atrás deste virán os números culinarios, de homenaxe ás grandes figuras do cinema, a escritores inmorredoiros ou as parodias do circo.

Mofa&Befa, dúas pedras no camiño chegan este outono ao público galego da man do Fondo de Proxectos Culturais Xacobeo 2021.

Nun almacén baleiro de mercadoría, nada é máis lexítimo do que pensarse que o stock son os propios empregados; neste caso, o Señor Lino e o Nin. E, se os empregados son relegados á condición de mercadoría, estamos ante unha perversión evidente: sobre eles pasan a imperar as leis de mercado en vez das leis laborais, creadas coa intención de lles asegurar a tal dignidade, non obstante abdicada en prol dunha soldada, presuntamente atribuída en pagada dos seus préstamos.

Dreaming Juliet inspírase en “Romeo e Xulieta” de William Shakespeare para tratar a cuestión máis esencial da existencia humana: o Amor. Cunha linguaxe visual asentada no teatro de movemento, na música interpretada en directo e na danza, DREAMING JULIET crea unha poética universal da paixón.

Culturactiva SCG presenta Sénior, un espectáculo cómico sobre a crise dos 50.

Cos coñecidos e populares actores Luís Iglesia e Marcos Orsi como protagonistas, e dirixida por Avelino González, trátase dunha reflexión en clave de humor sobre a chegada ás portas da terceira idade. Cando se abandona a madurez e se comeza a ser sénior? Estamos realmente aviad@s para os retos e problemas que se nos botan enriba ao cumprir o medio século? E, sobre todo, estamos preparad@s para ser vell@s?

Unha traxicomedia biodegradable e ecosostible arredor da obsolescencia programada, da relación do ser humano cos obxectos e da degradación ecolóxica do planeta por mor da perversa lóxica capitalista, do crecemento e do consumo masivo de produtos.

Elenco: Marián Bañobre e Avelino González

O Fondo de Proxectos Culturais Xacobeo 2021 ofrece esta produción de Educateatro que conta a historia de Santiago e Mariña, dous irmáns que non xogan xuntos... ata que aprenden a facelo.

Como cada noite, Santiago emprende o seu camiño acompañado de Branco, o seu cabalo inseparable. O que non espera é que hoxe se atopará no seu soño con Mariña e a súa gatiña Lupe. Vivirán aventuras e cantarán cancións para chegar ao Castelo Máxico (A Catedral de Santiago), onde atoparán o tesouro escondido.

Do 4 ao 6 de setembro, o Salón Teatro e o Teatro Principal de Santiago de Compostela acollerán a representación das obras finalistas desta edición, unha iniciativa promovida pola Federación Galega de Teatro Afeccionado (Fegatea) en colaboración coa Xunta de Galicia.

Mariña é unha regueifeira e queda sen palabras...Nikolai sempre quixo ser músico pero tocoulle ser aviador...Xuntos farán unha viaxe polo mundo na procura de novas palabras para as súas regueifas porque o mundo ten moito que contar!!

Traballamos sobre a importancia das palabras e o idioma (Regueifa!!), a multiculturalidade, cuestións de xénero e o coidado do mundo, coa intención de xenerar curiosidade para que @s nen@s e as familias podan seguir investigando.

Elenco: María Angeles Iglesias (actriz), Tato López (músico) e Carlos Freire (músico)